PGL – Os sindicatos CCOO, CIG, STEG e UGT anunciárom a 25 de março que dam por rotas as negociaçons com a Junta ao redor do conhecido como Decretaço sobre as línguas no ensino depois de que a Conselharia da Educaçom se negasse a aceitar modificaçons no texto.
Anxo Louzao, secretário nacional da CIG-Ensino, manifestou que a Conselharia «deu mostras de que nom tinha intençom de negociar» e que a Mesa Sectorial convocada era umha «absoluta farsa», apreciaçom na qual coincidírom o resto de organizaçons.
Os quatro sindicatos já previam que a Junta nom tinha vontade de dialogar, pois o Conselho Escolhar da Galiza recebeu o texto antes de ser este debatido na Mesa Sectorial quando, precisamente, teria de ocorrer ao invés, pois ao Conselho apenas se enviam «documentos fechados, já negociados», aclara CCOO.
Por estas razons, CIG, STEG, CCOO e UGT —que representam os 90% do sector— decidírom abandonar a mesa sectorial, ficando só nela a organizaçom minoritária ANPE. A este gesto respondeu a Secretaria Geral de Política Lingüística assegurando que já se negociaram muitos aspectos do documento.
No entanto, fontes sindicais consultadas polo PGL negam a versom que oferece o departamento chefiado por Anxo Lorenzo. Explicam que até o de agora nom houvo qualquer negociaçom, «apenas um período de consultas» durante o qual a Conselharia da Educaçom convidou as organizaçons que julgou pertinente, «e fruto disso houvo muitas que ficárom fora e, portanto, nom pudérom realizar achegas» ao texto do Decretaço.
Por todas estas razons, a CIG-Ensino, através do seu secretário nacional, afirmou após a mesa sectorial que nom descarta a possibilidade de volver convocar umha greve no sitema educativo galego.
+ Ligaçons relacionadas:
- Texto do Decretaço [PDF]
- A AGAL considera que o novo Decreto do galego é «ineficaz» e «desaproveita a nossa riqueza lingüística» [PGL, 17/03/2010]
- Maré de reacçons contra o anteprojecto do decreto [PGL, 16/03/2010]
- Concentraçons contra o novo decreto do galego, em simultâneo, em diversos pontos do País [PGL, 15/03/2010]
- Incumprir o Decreto pola «fobia» de umha menina ao galego [PGL, 12/03/2010]
- Um dia antes da greve pró-galego, a RG já tinha preparada umha notícia defendendo a Junta [PGL, 17/02/2010]
- A Mesa reclama a demissom dos conselheiros de Educaçom e Cultura [PGL, 01/02/2010]
- Entre 30 e 60 mil pessoas botárom-se à rua em defesa do galego no ensino [PGL, 28/01/2010]
- Reacções a umha manifestaçom histórica [PGL, 22/01/2010]
- UGT e CCOO acusam Feijóo de instrumentalizar o galego como «distracçom» [PGL, 21/01/2010]
- Carta aberta ao presidente da Junta [La Voz de Galicia, 21/01/2010]
- Unanimidade sindical em prol da greve no ensino [PGL, 20/01/2010]
- O Conselho da AGAL lembra à Junta que as línguas som umha oportunidade, nom um problema [PGL, 20/01/2010]
- Iria Aboi: «Para nós este decreto é umha navalhada contra a língua galega» [PGL, 19/01/2010]
- RAG posiciona-se sobre o Decreto [PGL, 19/01/2010]
- Descarregar o documento da RAG [PDF]
- RAG rejeita o rascunho do Decreto [PGL, 13/01/2010]
- AGIR chama à greve nacional no dia 21 de Janeiro [PGL, 11/01/2010]
- PSdeG, também contrário ao rascunho do Decreto do galego [PGL, 09/01/2010]
- Chamadas à desobediência contra o novo decreto [PGL, 08/01/2010]
