PGL – O diário Xornal de Galicia informa de um surpreendente caso em Lugo no qual a inspectora provincial da Educaçom teria pedido incumprir o actual Decreto do galego no ensino pola «fobia» de umha menina à nossa língua.
Segundo relata o jornal, Manuela López Besteiro, ex conselheira polo PP em época de Fraga e actual inspectora provincial, teria-lhe ordenado a umha professora dar um «tratamento excepcional» a umha aluna permitindo que nom se ajuste ao fixado no Decreto 124/2007 que regula as matérias que obrigatoriamente devem ser ministradas.
A publicaçom contactou com a professora, que relatou que a mae de umha menina lhe explicou a «fobia» que sentia a sua filha polo ensino em galego de várias matérias, motivo polo qual pedia que a rapariga pudesse usar o castelhano.
A professora negou-se, mas terá sido com motivo disso que López Besteiro pediu um tratamento excepcional «de umha forma que nom se dessem de conta os seus companheiros nem o resto de professores do centro». O sindicato CIG-Ensino já pediu explicaçons à Junta por estes factos.
