PGL – A entidade estudantil da esquerda independentista, polo monolingüismo social e o reintegracionismo, AGIR, chama ao estudantado galego para participar na greve nacional do dia 21 de Janeiro em defesa da escolarizaçom na língua própria da Galiza.
Oferecemos a seguir o comunicado emitido polo colectivo:
O dia 21 de Janeiro o estudantado a Galiza está chamado a participar numha grande mobilizaçom em defesa da escolarizaçom na nossa língua. Com a chegada do PP ao poder autonómico tenhem-se sucedido os ataques ao galego em diferentes terrenos em que a administraçom deveria garantir a sua protecçom. E nom só: também a sua potenciaçom e socializaçom progressiva.
Mas o caminho encetado polo governo espanholista de Sam Caetano é o contrário. Decidírom tirar a máscara e mostrar-se como o que som. Renunciar à hipocrisia oportunista do fraguismo, romper com a timidez do bipartido como se fosse radicalismo, e apostar num enfrentamento em toda regra com a comunidade educativa.
O dia 21, quinta-feira, vai ser a jornada em que se produzirá a resposta massiva da nossa parte. Embora muitos alegados defensores do “galeguismo” entre a unánime convocatória brilhem polo mesmo oportunismo político que guia a política institucional galega; embora muitos deles careçam de qualquer identificaçom com um projecto nacional para a Galiza, nós podemos e devemos levar às ruas a imagem viva de quem defendemos um uso do galego ilimitado nas escolas, sem percentagens nem mais imposiçom que o livre desenvolvimento da cultura popular no seu território.
Por isso somos os e as estudantes polo monolingüismo social e o reintegracionismo quem mais conscientemente chamamos @s noss@s companheir@s a greve o dia 21. Porque queremos ver a nossa luita diária pola dignificaçom da língua nas ruas, e abraçada por todos e todas.
+ Ligaçons relacionadas:
- PSdeG, também contrário ao rascunho do Decreto do galego [PGL, 09/01/2009]
- Chamadas à desobediência contra o novo decreto [PGL, 08/01/2009]
- O conselheiro de Cultura afirma nom ver rejeitamento social ao decreto do galego [PGL, 07/01/2009]
- Comunicado da plataforma Ferrol Fala Galego: Paremos o decreto contra o galego [PGL, 07/01/2009]
- UGT também critica o Decreto do galego [PGL, 05/01/2009]
- Comunicado de Agir perante o rascunho do novo decreto [PGL, 05/01/2009]
- Comunicado de Mocidade pola Língua a prol da manifestaçom do 21 de Janeiro [PGL, 04/01/2009]
- Convocatória de greve no ensino para 21 de janeiro e valorizações de CIG, STEG e CCOO [PGL, 31/12/2009]
- Comunicado de Agir: Decreto do PP a cair [PGL, 24/12/2009]
- Mais apoios à greve em defesa do galego no ensino [PGL, 24/12/2009]
- Suspeitam que novo decreto de galego sairá em férias [PGL, 21/12/2009]
- Os cálculos de Feijóo: Anxo Lorenzo e o pacto de Láncara [PGL, 08/12/2009]
- Anxo Lorenzo, demite [artigo de Celso Álvarez Cáccamo; PGL, 30/11/2009]
- Sobre a destruição do galego (I) [artigo de Fernando V. Corredoira; PGL, 02/11/2009]
