PGL – Depois da concentraçom de urgência realizada no passado sábado em Compostela, a plataforma Queremos Galego chama de novo toda a comunidade educativa e à sociedade em geral para se manifestar este serao na rua e demonstrar a rejeiçom do nosso povo perante o novo Decreto contra o galego[PDF] no ensino.
Por enquanto som já treze as concentraçons confirmadas, todas às 20 horas com excepçom da que terá lugar na Póvoa do Caraminhal, que começará às 20h30:
Santiago de Compostela: às 20h na Praça do Toural
Vigo: às 20h na Rúa do Príncipe (diante do MARCO)
Corunha: às 20h na Praça de Ponte Vedra (diante do instituto)
Ourense: às 20h na Avenida de Havana (diante do edifício administrativo da Junta)Lugo: às 20h na Rolda da Muralha (diante do edifício administrativo da Junta)
Ponte Vedra: às 20h na Praça da PeregrinaFerrol: às 20h na Praça de Espanha (diante do edifício administrativo da Junta)
Marinha: às 20h em Foz, na Praça da Câmara Municipal
Bergantinhos-Costa da Morte: às 20h em Carvalho, diante da Câmara MunicipalNoia: às 20h diante da Câmara Municipal
Barbança: na Póvoa do Caraminhal, às 20h30 no Cantom do Forno
Vila Garcia de Arousa: às 20h na Praça da Galiza
Estrada: às 20h na Praça da Câmara Municipal.
Comunicado do Facho
A Agrupaçom Cultural O Facho, na Corunha, soma-se ao acto de concentraçom para a reivindicaçom e defesa da dignidade do nosso povo, perante os graves ataques à nossa língua proferidos polo governo de Núñez Feijóo com o decreto do plurilingüismo. Oferecemos a seguir o comunicado emitido pola histórica agrupaçom:
A Agrupaçom Cultural O Facho e os cidadáns da Corunha erguerám a nossa dignidade de povo contra os férridos e duros de Feijóo e os seus ‘mariachis’, contra a sua mentira e o desprezo que o seu decreto manifesta para a nossa Língua e para com Nós, seguindo a partitura mandada desde Madrid pola FAES de Aznar. Um decreto que afasta dos infantários a Língua Galega e fai possível que um neno nom tenha contacto com a nossa Língua e Cultura até os seis anos. Um decreto que conculca a Lei de Normalizaçom Lingüística aprovada no ano 1983 que contou com a unanimidade da Câmara e que no seu preâmbulo, manifesta: A Língua é a maior e mais original criaçom colectiva dos galegos, é a verdadeira força espiritual que lhe dá unidade interna á Nossa Comunidade
Diante desta aldraje, O Facho convoca a se concentrar na segunda-feira, dia 15 de Março, às 20h00 diante do instituto Eusébio da Guarda, na Praça de Ponte Vedra, da cidade da Corunha.
+ Ligaçons relacionadas:
