PGL – A Conselharia da Educaçom pretende ter para antes de Setembro o novo decreto sobre o uso do galego no sistema educativo. Isto implicaria que para o curso 2009-2010 deixaria de vigorar a lei do anterior governo pola qual ao menos 50% das matérias seriam leccionadas em galego.
Assim o recolhe na ediçom de hoje o diário Xornal de Galicia. Segundo o jornal corunhês, já se estaria a trabalhar na redacçom da nova norma, para a qual serám tidos em consideraçom os resultados do inquérito realizado aos pais e maes.
Fontes consultadas polo PGL afirmam ter dúvidas sobre o prazo assinalado pola Conselharia, já que em pouco mais de um mês começa o curso escolar 2009-2010. Se antes desse tempo nom se lograsse um novo texto, continuaria em vigor o anterior, o elaborado polo governo bipartido.
As mesmas fontes apontam que a Junta «tem toda a legitimidade para derrogar o actual decreto e elaborar umha nova norma», mas matizam que «ter legitimidade para fazer nom implica que se deva agir dessa maneira».
Igualmente matizam que a norma em vigor, além do lógico apoio dos partidos que o aprovárom (BNG e PSOE), tem o apoio de outras formaçons políticas, o suporte dos sindicatos maioritários no ensino (CIG, CCOO, STEG e UGT), das principais organizaçons normalizadoras, associaçons de pais e de maes, associaçons de professorado, associaçons de directores e directoras de centros e de diferentes órgaos e instituiçons oficiais. «Este nível de consenso dificilmente será atingido por qualquer norma elaborada polo PP, e muito menos em pouco mais de um mês», asseguram.
O peso do inquérito
Do PGL já alertávamos da utilizaçom do inquérito promovido pola Conselharia da Educaçom para a possível elaboraçom de um novo decreto. Na informaçom publicada em 31 de Julho lembrávamos que a consulta a pais e maes realizada polo departamento que chefia Jesús Vázquez nom contou com metodologia válida, nem sequer com umha amostra de populaçom representativa, motivo polo qual os seus resultados nom podiam ser utilizados para derrogar a normativa actual sobre o uso do galego no ensino.
+ Ligaçons relacionadas:
- Notícia em Xornal de Galicia
- Educaçom tira conclusons favoráveis às suas teses de um inquérito sem rigor nem garantias [PGL, 31/07/2009]
- Dossiê divulgado pola Conselharia da Educaçom com os resultados do inquérito [PDF]
- A Mesa acusa o conselheiro da Educaçom de ter mentido [PGL, 28/07/2009]
- O manifesto pola hegemonia social do galego ultrapassa 600 apoios [PGL, 21/07/2009]
- O BNG denunciará perante a Unesco a vulneraçom dos direitos humanos e linguísticos do povo galego [PGL, 23/06/2009]
- Famílias galegas denunciam perante a Agência de Protecçom de Dados o inquérito sobre a língua [PGL, 20/06/2009]
- Primeira sentença judicial contra a consulta do galego [PGL, 16/06/2009]
- Maré de reacçons contra a consulta sobre o uso do galego no ensino [PGL, 16/06/2009]
- Opiniões de uma professora [artigo de Adela Figueroa no PGL, 14/06/2009]
- Os psicólogos da Galiza, contra a desgaleguizaçom do ensino [PGL, 11/06/2009]
- A CIG-Ensino reclama a interrupçom imediata do processo de consulta às famílias sobre o emprego do galego no ensino [PGL, 10/06/2009]
- Mais umas letras galegas [artigo de José Ramom Pichel no PGL, 29/05/2009]
