PGL – A Conselharia da Educaçom fizo hoje públicos os resultados do inquérito sobre uso do galego no ensino. Segundo Anxo Lorenzo, secretário-geral de Política Lingüística, os dados estariam a evidenciar que o actual enquadramento normativo «nom se ajusta às preferências da sociedade galega».
Numerosos colectivos e especialistas tenhem denunciado que o modelo de inquérito da Junta nom conta com as mínimas garantias de rigor nem fiabilidade metodológicas. Alguns dos problemas mais mencionados som o facto de os pais e mais com mais de um/mha filho/a pudérom dar mais respostas, também se sabe de casos em que os inquéritos fôrom preenchidos polos meninos e meninas (e nom polos pais e maes), opacidade no processo de recolha e tratamento dos dados, e mesmo o facto provado de a amostra nom ser fiável (motivado em parte pola voluntariedade do inquérito e porque o facto de muitos pais e maes preencherem várias vezes o inquérito fazem com que nom seja representativo o resultado).
Estas e outras eivas nom som problema para a Conselharia da Educaçom utilizar os dados do inquérito para pretender demonstrar que a sociedade galega está do seu lado para revogar o actual decreto sobre o uso do galego no ensino e trabalhar num novo documento.
Segundo Lorenzo, a participaçom foi apenas dos 58,7%, com picos dos 70,1% aos 75,7% (ensino infantil e primário respectivamente) e mínimos rotundos nos ensinos secundário e formaçom profissional (38,4% e 33,1%).
No entanto, há também dados que vam na linha de outros inquéritos que revelam o fracasso das políticas normalizadoras, como o facto de seis em cada dez respostas indicarem que as crianças aprendêrom a falar e falam habitualmente em castelhano.
+ Ligaçons relacionadas:
- Dossiê divulgado pola Conselharia da Educaçom [PDF]
- A Mesa acusa o conselheiro da Educaçom de ter mentido [PGL, 28/07/2009]
- O manifesto pola hegemonia social do galego ultrapassa 600 apoios [PGL, 21/07/2009]
- O BNG denunciará perante a Unesco a vulneraçom dos direitos humanos e linguísticos do povo galego [PGL, 23/06/2009]
- Famílias galegas denunciam perante a Agência de Protecçom de Dados o inquérito sobre a língua [PGL, 20/06/2009]
- Primeira sentença judicial contra a consulta do galego [PGL, 16/06/2009]
- Maré de reacçons contra a consulta sobre o uso do galego no ensino [PGL, 16/06/2009]
- Opiniões de uma professora [artigo de Adela Figueroa no PGL, 14/06/2009]
- Os psicólogos da Galiza, contra a desgaleguizaçom do ensino [PGL, 11/06/2009]
- A CIG-Ensino reclama a interrupçom imediata do processo de consulta às famílias sobre o emprego do galego no ensino [PGL, 10/06/2009]
- Mais umas letras galegas [artigo de José Ramom Pichel no PGL, 29/05/2009]
