Partilhar

Segunda convocatória da AGAL para o Ano Carvalho Calero

PGL – A Associaçom Galega da Língua (AGAL) convoca todos os coletivos e associaçons a uma reuniom aberta no dia 23 de Janeiro, às 11:00 horas, na Gentalha do Pichel em Santiago para continuar nas linhas de trabalho para dedicar o ano 2010 a Ricardo Carvalho Calero.

No passado dia 9 já tivo lugar umha primeira reuniom à qual acudírom até sete colectivos e na qual se pugérom em comum actividades de todo o tipo para lembrar o professor. A AGAL pretende que 2010 seja um ano para trazer à memória a figura de quem navegou na corrente que achava ser melhor para o nossa língua e a nossa cultura, em lugar de se deixar arrastar.

Carvalho Calero

Ricardo Carvalho Calero (Ferrol, 1910 — Compostela, 1990), filólogo, escritor e o primeiro Catedrático de Língua e Literatura Galegas, foi um dos grandes teóricos do reintegracionismo lingüístico galego. Marginado institucionalmente em certa altura polo seu incómodo rigor filológico, é reivindicado hoje por inúmeros colectivos mercê ao seu trabalho nos âmbitos do ensaio, filologia, criaçom literária e compromisso nacional.

Nos últimos anos, diferentes colectivos como a Fundaçom Artábria, decana dos centros sociais do nosso País, tenhem reivindicado alargadamente a figura do professor de Ferrol-Velho com actos como a petiçom à RAG de um dia das letras, a elaboraçom de biografias e painéis divulgativos, ou a petiçom às autoridades para a recuperaçom da casa natal, abandonada e em estado ruinoso.

A estas petiçons somárom-se logo outras associaçons como a Gentalha do Pichel, A Esmorga, a AC Mádia Leva!, etc. Recentemente, a Fundaçom Meendinho anunciou a construçom de um monumento dedicado a Carvalho Calero na capital do País.

 

+ Ligaçons relacionadas:

Lançamento de Tourists, go home? na Corunha

Efigénio Moura apresenta o romance Burela numa tournée por oito localidades galegas

Efigênio Moura: “É possível amar um lugar que nos aperta”

Efigênio Moura: “O galego é como se tivesse encontrado um parente que ninguém da família tinha me apresentado”

Ângelo Brea: “O amor pela família, o cuidado dos filhos ou as exigências de uma vida com grandes responsabilidades atravessam os milénios”

Burela, romance do escritor brasileiro Efigénio Moura, disponível em pré-venda na loja online da Através Editora

Lançamento de Tourists, go home? na Corunha

Efigénio Moura apresenta o romance Burela numa tournée por oito localidades galegas

Efigênio Moura: “É possível amar um lugar que nos aperta”

Efigênio Moura: “O galego é como se tivesse encontrado um parente que ninguém da família tinha me apresentado”