PGL – Em 2010 fam-se 100 anos desde o nascimento de Carvalho Calero. Por esta razom, a Associaçom Galega da Língua (AGAL) convoca todos os coletivos e associaçons a uma reuniom aberta no dia 9 de Janeiro, às 11:00 horas, na Gentalha do Pichel em Santiago.
O objectivo do encontro é pôr em comum actividades de todo o tipo para lembrar o professor. Queremos que 2010 seja um ano para trazer à memória a figura de quem navegou na corrente que achava ser melhor para o nossa língua e a nossa cultura, em lugar de se deixar arrastar.
Carvalho Calero
Ricardo Carvalho Calero (Ferrol, 1910 — Compostela, 1990), filólogo, escritor e o primeiro Catedrático de Língua e Literatura Galegas, foi um dos grandes teóricos do reintegracionismo lingüístico galego. Marginado institucionalmente em certa altura polo seu incómodo rigor filológico, é reivindicado hoje por inúmeros colectivos mercê ao seu trabalho nos âmbitos do ensaio, filologia, criaçom literária e compromisso nacional.
Nos últimos anos, diferentes colectivos como a Fundaçom Artábria, decana dos centros sociais do nosso País, tenhem reivindicado alargadamente a figura do professor de Ferrol-Velho com actos como a petiçom à RAG de um dia das letras, a elaboraçom de biografias e painéis divulgativos, ou a petiçom às autoridades para a recuperaçom da casa natal, abandonada e em estado ruinoso.
A estas petiçons somárom-se logo outras associaçons como a Gentalha do Pichel, A Esmorga, a AC Mádia Leva!, etc. Recentemente, a Fundaçom Meendinho anunciou a construçom de um monumento dedicado a Carvalho Calero na capital do País.
+ Ligaçons relacionadas:
- Artigo de Maurício Castro: ‘Carvalho Calero no século XX galego’ [Artábria]
- Carvalho Calero na Wikipédia
- Caderno conhecermos Carvalho Calero [PDF]
- Fundaçom Meendinho promove a construçom de um monumento dedicado a Carvalho Calero [PGL, 29/10/2009]
- Fundaçom Artábria disponibiliza exposiçom foto-textual sobre Carvalho Calero [PGL, 01/09/2009]
- Artábria estreia amanhá exposiçom foto-textual sobre Carvalho Calero [PGL, 24/07/2009]
- Ferrol reivindicará o legado de Carvalho Calero [PGL, 07/07/2009]
- Francisco Rodríguez une-se às vozes críticas com a RAG [PGL, 06/07/2009]
- AGAL iniciará contactos para homenagear Carvalho Calero em 2010 [PGL, 02/07/2009]
- Fundaçom Artábria homenageará Carvalho Calero no centenário do seu Nascimento [PGL, 01/07/2009]
- E o Dia não veio [PGL, 27/06/2009]
- RAG dedicará Dia das Letras 2010 a Uxío Novoneyra [PGL, 27/06/2009]
