PGL – A fundaçom Meendinho aprovou, dentro do seu programa de actividades para o ano 2009, a construçom em Santiago de Compostela de um monumento dedicado ao professor Ricardo Carvalho Calero.
O padroado da Fundaçom, seleccionou um grupo escolhido de escultores galegos para solicitar-lhes que elaborem um modelo da sua respectiva proposta escultórica, deixando de prazo até 10 de Janeiro de 2010 para receberem as sugestons.
A proposta que se elaborar será uma estátua do insigne galeguista com a pose e escolha de materiais que o autor considere mais adequadas. A efígie colocaria-se acima de um pedestal que consistirá num prisma de granito de base quadrada entre 60 e 90 centímetros de lado e altura de 150 a 190 centímetros. Nesta base colocará-se umha placa informativa e formativa sobre a figura de Ricardo Carvalho Calero.
Segundo Meendinho, a selecçom da obra escolhida farám-na o padroado da Fundaçom e umha representaçom do Concelho de Santiago de Compostela, e o monumento instalará-se na Alameda da capital nacional.
Na imagem, e em azul, localizaçom aproximada do lugar
no qual se instalaria o monumento
[amplie a zona no Google Maps]
+ Ligaçons relacionadas:
- Alexandre Banhos entrevistado no jornal A Peneira Dixital [PGL, 18/09/2009]
- Fundaçom Artábria disponibiliza exposiçom foto-textual sobre Carvalho Calero [PGL, 01/09/2009]
- Artábria estreia amanhá exposiçom foto-textual sobre Carvalho Calero [PGL, 24/07/2009]
- Ferrol reivindicará o legado de Carvalho Calero [PGL, 07/07/2009]
- Francisco Rodríguez une-se às vozes críticas com a RAG [PGL, 06/07/2009]
- AGAL iniciará contactos para homenagear Carvalho Calero em 2010 [PGL, 02/07/2009]
- Fundaçom Artábria homenageará Carvalho Calero no centenário do seu Nascimento [PGL, 01/07/2009]
- E o Dia não veio [PGL, 27/06/2009]
- RAG dedicará Dia das Letras 2010 a Uxío Novoneyra [PGL, 27/06/2009]
