PGL – Afinal nom houvo surpresas e hoje os académicos da RAG decidírom que o dia Dia das Letras de 2010 será dedicado ao grande poeta Uxío Novoneyra. A Academia foi praticamente unánime na sua decisom, com apenas um voto em branco. Tinham de eleger entre o poeta do Courel, Carvalho Calero ou Lois Pereiro.
Apesar dos notáveis apoios sociais e institucionais com que contava a proposta de Ricardo Carvalho Calero, por segundo ano consecutivo nom calhou, dando assim a razom ao presdiente da RAG, Xosé Ramom Barreiro, quem em numerosas ocasions pujo em causa a idoneidade da proposta polo perfil reintegracionista do professor ferrolano.
Biografia
Uxío Novoneyra (nascido Eugénio Eugenio Novo Neira) véu ao mundo numha família labrega do concelho de Folgoso do Courel em 19 de Janeiro de 1930, e falesceria em Compostela em 30 de Outubro de 1999.
Coincidiu em Compostela com o seu amigo e também poeta Manuel Maria, fazendo o serviço militar. Em 1952 redigiu as primeiras obras em galego (escrevera alguns poemas em castelhano durante a sua estadia em Madrid), idioma que nom abandonaria nunca. Em 1962 regressou a Madrid para trabalhar em rádio e televisom, voltando para a Galiza quatro anos depois. Em 1983 afincou-se definitivamente a Compostela, e até a sua morte seria presidente da Associaçom de Escritores em Língua Galega.
Obra
- Os eidos (1955)
- Os eidos 2. Letanía de Galicia e outros poemas (1974)
- Poemas caligráficos (1979)
- Libro do Courel (1981)
- Muller pra lonxe (1987)
- Do Courel a Compostela 1956-1986 (1988)
- O cubil de Xabarín (1990)
- Tempo de elexía (1991)
- Gorgorín e Cabezón (1992)
- Poemas de doada certeza i este brillo premido entre as pálpebras (1994)
- Betanzos: Poema dos Caneiros e Estampas (1998)
- Dos soños teimosos Noitarenga (1998)
- Ilda, o lobo, o corzo e o xabarín (1998)
- Arrodeos e desvíos do Camiño de Santiago e outras rotas (1999)
