Partilhar

A proposta de Carvalho Calero para o próximo Dia das Letras ganha força

PGL – As concelharias de Cultura das Cámaras da Corunha, Ferrol, Santiago de Compostela, Ponte Vedra, Vigo e Ourense proporám à RAG que Ricardo Carvalho Calero (Ferrol, 1910-Compostela, 1990) seja o homenageado no Dia das Letras de 2010.

O facto de Lugo nom encontrar-se entre as cidades que reivindicam Calero (via conselharia de Cultura) tem a ver com o debate, no que se encontra a metrópole, entre o autor ferrolano e o poeta do Courel Uxío Novoneyra, finado em 1999.

A estas petiçons soman-se outras como a que realizou a delegaçom da Fundaçom Artábria (da mao de Rebeca Bravo, Maurício Castro e Pim Patinho) em reuniom com um representante da Executiva da Real Academia Galega (Xosé Luís Axeitos) na sede dessa entidade na cidade da Corunha.

A proposta de Carvalho Calero, que nom pretende desmerecer outras do panorama literário galego, conta ademais com os apoios de umha importante massa social que reivindica o reconhecimento de umha das figuras mais importantes das nossa letras e que tem sido menosprezada polas entidades oficiais do nosso país pola defesa da unidade lingüística galego-portuguesa, tal como lembram na web carvalhocalero2010.net: «Porque mantivo a sua postura de nom afastar a identidade do galego do seu tronco originário, defendendo a ortografia histórica do nosso idioma, ideia que já defendia o nacionalismo histórico, que só esperava condiçons favoráveis para a implantar».

A respeito da gratidom que o nosso povo deve a Calero também se pronunciárom diversas agrupaçons culturais de toda Galiza, como a Fundaçom Artábria de Ferrol, a Gentalha do Pichel de Compostela, ou o CS Mádia Leva! de Lugo entre muitas outras, que levam já anos reivindicando o merecido reconhecimento.

O presidente da AGAL, Valentim R. Fagim, manifestou em diferentes entrevistas que «é difícil entender que ainda nom se dedicasse um dia das Letras a umha figura histórica com o perfil de Carvalho Calero. Todos sabemos o porquê mas é triste, por nom sermos mais explícitos».

Aos inegáveis merecimentos de Ricardo Carvalho Calero para ser protagonista de um Dia das Letras, soma-se ademais que o 2010 é um ano especialmente apropriado, pois cumprem-se o primeiro centenário do nascimento do professor ferrolano e as duas décadas do seu falecimento.

+ Ligaçons relacionadas:

 

Lançamento de Tourists, go home? na Corunha

Efigénio Moura apresenta o romance Burela numa tournée por oito localidades galegas

Efigênio Moura: “É possível amar um lugar que nos aperta”

Efigênio Moura: “O galego é como se tivesse encontrado um parente que ninguém da família tinha me apresentado”

Ângelo Brea: “O amor pela família, o cuidado dos filhos ou as exigências de uma vida com grandes responsabilidades atravessam os milénios”

Burela, romance do escritor brasileiro Efigénio Moura, disponível em pré-venda na loja online da Através Editora

Lançamento de Tourists, go home? na Corunha

Efigénio Moura apresenta o romance Burela numa tournée por oito localidades galegas

Efigênio Moura: “É possível amar um lugar que nos aperta”

Efigênio Moura: “O galego é como se tivesse encontrado um parente que ninguém da família tinha me apresentado”