PGL – O Partido Popular (PP) quer impor por lei o «bilingüismo harmónico», e com esse intuito vai levar ao Congresso espanhol dos Deputados umha proposta que, ainda, abre as portas à segregaçom lingüística nos centros de ensino, postura nunca antes defendida por esta formaçom política.
«Defendemos um bilingüismo harmónico, cordial, e com um norte: a liberdade e a nom intromissom nos direitos dos espahóis a escolherem a língua que pom voz às suas vidas», assegurou a porta-voz parlamentar do PP, Soraya Sáez de Santamaría.
Devido a que um dos preceitos da proposta é que cada pai poda escolher a língua na qual serám educados os seus filhos, isto inexoravelmente levaria para umha situaçom de segregaçom lingüística nos centros de ensino, já que para garantir esse suposto direito deveriam ser separados em salas diferentes os jovens da mesma idade em funçom do seu idioma materno.
Do PP asseguram que a proposta está inspirada na projecçom mundial do castelhano e no intuito de garantir o ensino nesta língua em todo o Reino da Espanha. Ainda, formará parte de um leque de propostas lingüísticas com as as quais concorrerá às eleiçons galegas, informam do partido espanholista.
+ Ligaçons relacionadas:
- Harmonía disonante [Galicia Hoxe, 28/01/2009]
- Pau da Justiça aos galegófobos [PGL, 22/01/2009]
- Galegófobos judicializam oposiçom ao Decreto do galego no ensino [PGL, 21/01/2009]
- Legislatura «praticamente perdida» em matéria de política lingüística, di o BNG [PGL, 21/01/2009]
- Estudantes apoiam esmagadoramente a galeguizaçom do ensino [PGL, 27/11/2008]
- Galiza Nova, Comités e Mocidades da Mesa instam o Valedor a agir contra a vulneraçom da legalidadePGL, 26/11/2008] [
- Mobilizações para deter as agressões contra a nossa língua [PGL, 25/11/2008]
