PGL – Segundo recolhem vários meios de comunicaçom, o programa eleitoral do Bloco Nacionalista Galego (BNG) rejeita o labor realizado polo PSOE ao frente da Secretaria Geral de Política Lingüística (SGPL).
Para a formaçom nacionalista, até o momento só se realizárom «certas medidas inconexas», o qual só teria produzido «tímidos avanços».
Do BNG julgam que a SGPL nom cumpriu nenhum dos objectivos fixados ao começo da legislatura, e culpa da situaçom a secretária-geral, Marisol Lopes, acusada de inacçom em matérias tam importantes como a ausência de defesa do Decreto sobre o galego no ensino, alvo constante das críticas dos colectivos mais reaccionários.
Precisamente, a organizaçom nacionalista exibe a sua preocupaçom pola lentitude na aplicaçom do decreto, e advoga pola criaçom de umha Sudirecçom Geral de Normalizaçom Lingüística como parte do organigrama da Conselharia de Educaçom.
Por estes motivos, o BNG qualifica de «praticamente perdida» a actual legislatura, e advogará para que umha eventual reforma do Estatuto de Autonomia dote o galego de igualdade jurídica respeito do castelhano (actualmente esta língua é de obrigado conhecimento, enquanto o aprendizado do nosso idioma é opcional).
+ Ligações relacionadas:
- Galegófobos judicializam oposiçom ao Decreto do galego no ensino [PGL, 21/01/2009]
- Normalizaçom lingüística, será questom de dinheiro? [PGL, 17/01/2009]
- Marisol Lopes: «Esperamos que as eleições ponham a cada quem no seu sítio» [PGL, 14/01/2009]
