PGL – Esta quarta-feira, dia 26 de Novembro, alunas e alunos de secundária toda a Galiza estám chamados mobilizaçom «para deter as agressões à nossa língua», segundo informam representantes dos Comités, umha das organizações que realizárom a convocatória.
Mediante umha jornada de mobilizaçom, Galiza Nova, os Comités e da Mesa pola Normalizaçom pretendem exigir o cumprimento do Decreto 124/07 sobre o uso do galego no ensino, segundo o qual ao menos um 50% das matérias devem ser leccionadas no nosso idioma.
Também querem fazer chegar à Conselharia de Educaçom umha mensagem, a de que deve cumprir a legislaçom que ela própria elaborou e instá-la a nom claudicar ante as pressões das organizações galegófobas, «agochadas trás a defesa de um suposto bilingüismo e de umha liberdade à sua medida», acusam.
Julgam necessária a mensagem, pois na sua análise consideram que o comportamento do departamento educativo foi, até o de agora, «irresponsável» por nom cumprir com as suas obrigas. Criticam com especial dureza que a Conselharia nom desse publicidade ao Decreto, deixando-o exposto a críticas demagógicas e até falseadas.
+ Ligações relacionadas:
- Legislaçom sobre a língua galega num único documento [PGL, 24/11/2008]
- Mocidades da Mesa, Galiza Nova e Comités chaman ao estudantado vigués a mobilizarse para parar “as agresións contra o galego” [web da Mesa, 24/11/2008]
- Estudantado de secundário à greve pola defesa do ensino em galego [PGL, 05/11/2008]
