PGL – Galiza Nova, Comités e Mocidades da Mesa instam o Valedor do Povo, Benigno López, a agir contra a vulneraçom da legalidade em matéria lingüística, sobretudo «ante o flagrante incumprimento do Decreto 124/2007» que regula o uso do galego no ensino e que obriga a que, no mínimo, 50% das matérias sejam leccionadas na nossa língua.
Das três organizações fizérom chegar um documento a Benigno López lembrando-lhe que a sua obriga é a de trabalhar para que se cumpra a lei e se respeite «o direito de toda a sociedade a umha educaçom de qualidade, baseada entre outros princípios num correcto conhecimento das línguas oficiais na Galiza» após o ensino obrigatório.
No texto entregado ao Valedor, também criticam algumhas declarações dele no exercício das suas funções e nas quais situava no mesmo plano as pessoas defensoras da legalidade lingüística e as disconformes com ela. «O Valedor está para velar polo cumprimenoto das leis que já existem, e nom para dar abeiro a hipotéticas reclamações dos que nom querem que se cumpram»
Jornada de mobilizaçom
Precisamente, para reclamar um ensino na nossa língua, o estudantado de todo o país está convocado hoje à mobilizaçom sob o lema Paremos as agressões contra o galego. Das organizações convocantes culpam a Conselharia de Educaçom de desleixo no exercício das suas funções e de escurantismo, já que nom forneceu dados oficiais relativos ao cumprimento do Decreto, obriga que recolhe o próprio articulado da norma.
+ Ligações relacionadas:
- Mobilizações amanhã para deter as agressões contra a nossa língua [PGL, 25/11/2008]
- Legislaçom sobre a língua galega num único documento [PGL, 24/11/2008]
- Especial Galescolas (e II) – Umha Galescola por dentro. Viagem ao centro da polémica [PGL, 24/10/2008]
- Especial Galescolas (I) – Nem todo é tam fácil para as famílias galego-falantes nas galescolas [PGL, 23/10/2008]
- Valedor do Povo formaliza umha queixa polo incumprimento do decreto do galego em 65% dos centros de educaçom infantil das cidades [Velho PGL, 24/06/2008]
