PGL – Para a Junta da Galiza, o professorado galego nom tem direito de ministrar as aulas na língua do País além do permitido polo chamado Decreto do Plurilingüismo, que fixa quotas lingüísticas para galego, castelhano e umha terceira língua nos diferentes níveis educacionais nalguns casos, e obriga a que determinadas matérias sejam ministradas apenas em espanhol.
É a principal conclusom da resposta que a Conselharia da Educaçom deu nestes dias aos deputados Bieito Lobeira e Carme Adán, os quais tinham perguntado no passado mês de setembro polas medidas que adoptaria o Governo para garantir o direito ao uso do galego nas aulas por parte das e dos docentes.
Desta maneira, apesar de que a administraçom educativa afirma ter por objetivo «alcançar a máxima difusom possível da língua galega em todos os ámbitos, setores e espaços sociais», aclara aos parlamentares do Bloco que nem a Lei de Normalizaçom Lingüística nem a Carta Europeia das Línguas «recolhem ou reconhecem o direito a que se alude».
Justo a seguir, a resposta indica que, segundo a legislaçom «galega e espanhola», som as comunidades autónomas as que «determinam o regulamento das ensinanças, bem como a língua veicular nas matérias», isto é, o Decreto do Plurilingüismo. Sobre este decreto, para a Junta, «nom conculca nenhum direito lingüístico individual ou coletivo», mesmo apesar de abrir a porta a sençons para o professorado que lecionar em galego matérias que esta norma reserva só para o castelhano.
+ Ligaçons relacionadas:
- Zero euros nos orçamentos para a Rede de Dinamizaçom Lingüística [PGL, 28/10/2010]
- Junta nom convocou as ajudas para a promoçom da língua galega para associaçons sem ánimo de lucro [PGL, 08/10/2010]
- Anxo Lorenzo recebeu da Junta mais de 12.000 euros por coordenar umha exposiçom [PGL, 07/10/2010]
- «La falda de Carolina», o novo hit em Monte Pio [PGL, 24/09/2010]
- Queremos Galego chama à rebeliom contra a «proibiçom de uso do galego nas aulas» [PGL, 23/09/2010]
- Denúncia do BNG pola reduçom e descontrolo no reparto de ajudas para normalizaçom lingüística no âmbito local [PGL, 20/09/2010]
- TSJG nom suspende ‘decretaço’ e a Mesa denuncia «manipulaçom» da CRTVG [PGL, 17/09/2010]
- Nom aplicar o ‘decretaço’ é «cumprir a Lei», di a Mesa [PGL, 14/09/2010]
- Reclamam poder ministrar as ciências em galego e contratar o seguro escolar na nossa língua [PGL, 03/09/2010]
- Junta destina aos meios em galego apenas 1,26% dos recursos disponíveis para as empresas de comunicaçom [PGL, 19/08/2010]
- Política Lingüística evita dar umha data para a promoçom do galego nos assuntos funerários [PGL, 12/07/2010]
- A Mesa pede à Junta que aclare se vai gastar um milhom de euros em propaganda do decretaço [PGL, 07/04/2010]
