PGL – A CIG-Saúde denuncia o uso de toponímia deturpada por parte do Serviço Galego de Saúde (SERGAS). Em concreto, o sindicato informa de que o aplicativo informático que gere as solicitudes de deslocamentos utiliza as formas ilegais Orense e La Coruña, presentes também no manual de instruçons dessa ferramenta.
Nom é esta a primeira vez que se denunciam agressons mais ou menos explícitas do sistema sanitário público ao idioma do País, e um dos casos mais recentes foi no passado mês de maio, quando o BNG denunciou o uso de um «híbrido castrapizante» por parte do SERGAS, que considerárom «passo prévio à espanholizaçom definitiva» dos escritos do Serviço Galego de Saúde.
Imagem do aplicativo do SERGAS, no qual figura “Orense”
[prima aqui para alargar a imagem]
Naquela altura, os deputados Bieito Lobeira e Ana Luísa Bouza, lamentárom que o Centro de Serviços Tecnológicos da Subdirecçom Geral de Informaçom e Serviços Tecnológicos da Conselharia de Sanidade publicara a pedido do SERGAS um documento denominado Manual Usuario CIWEB-v3.00.37, redigido «num desconhecido híbrido castrapizante espanhol-galego», com numerosas gralhas ortográficas na versom galega.
Estes comportamentos, que já procedem da etapa do bipartido PSOE-BNG, com a Conselharia de Sanidade chefiada polos primeiros, intensificárom-se com o regresso do PP à Junta, chegando a incorporar-se nos exames para o acesso ao SERGAS disposiçons que claramente discriminavam os aspirantes galego-falantes, no senso de dar mais validez às perguntas formuladas em castelhano do que às suas correspondências em galego.
+ Ligaçons relacionadas:
- BNG denuncia “castrapizaçom” no SERGAS [PGL, 13/05/2010]
- Nove documentos parlamentares do BNG denunciam a exclusom do galego [PGL, 29/04/2010]
- O bilingüismo do PP: em caso de erro, prevalece o espanhol [PGL, 20/11/2009]
- A Junta responde sobre vários casos de discriminaçom lingüística [PGL, 06/08/2009]
- O PSOE, o PP e a língua da sanidade pública [PGL, 14/04/2009]
- Denunciam novo caso de discriminaçom lingüística no SERGAS [PGL, 10/12/2008]
- Junta permitirá umha sanidade com médicos que nom saibam galego [PGL, 28/11/2008]
- Em apenas dez meses quase duzentos casos de vulneraçom dos direitos linguísticos na cidade da Corunha [PGL,08/10/2008]
- «Ruego traducción al español»; dous novos casos graves de discriminaçom lingüística no Serviço Galego de Saúde [Velho PGL, 02/11/2007]
