PGL – A A.C. Monte da Estrela apresenta hoje às 20h no Centro Cívico Cultural de Arteijo o livro Galiza, obra póstuma de Manuel Maria. Também aproveitarám para comunicar as últimas novidades acerca do projeto para a criaçom de umha casa-museu dedicada ao escritor chairego.
O ato contará com a presença do professor Xosé Ramón Freixeiro Mato e do secretário da Fundaçom Manuel Maria, Aniceto P. Nunes, além de Marica Campo e Alberte Ansede.
A obra foi já apresentada em Ferrol (30 de novembro), Corunha (1 de dezembro), Carvalho (2 de dezembro) e Santiago (14 de dezembro). Após Arteijo será a vez de Lugo, a dia 19 de janeiro de 2011, às 20h, no auditório da Deputaçom Provincial.
Galiza é umha síntese da história e da geografia galega, combinando a descriçom com diálogos ficcionados que esboçam “desde a distância da Galiza emigrante umha imagem entre real e bucólica do país sonhado”, indica o site web da Fundaçom Manuel Maria. Portanto, esta obra tem também umha “vocaçom didática” e vai dirigido tanto a um público geral com interesse nalguns aspetos do passado e presente da Galiza como, “de modo especial”, a um público juvenil, pois jovens som os protagonistas da obra.
Galiza reproduz um texto mecanografado polo autor que estava guardado no seu arquivo pessoal e sem dataçom. Porém, após a sua leitura é possível situar a escrita original por volta de 1986 ou 1987, aclaram da Fundaçom. Porém, apesar do tempo que se passou, “a obra conserva todo o seu valor e atualidade”.
+ Ligaçons relacionadas:
- Web da Fundaçom Manuel Maria
- Web da A.C. Monte da Estrela
- FEGAMP e Fundaçom Manuel Maria materializam acordo para Casa Museu [PGL, 14/07/2010]
- Um poemário inédito de Manuel María e um recital recuperado de Novoneyra [Joám Manuel Araújo para o PGL, 16/05/2010]
- Galiza homenageou Manuel Maria cinco anos depois do seu passamento [PGL, 08/09/2009]
- Novoneyra na palavra generosa de Manuel Maria no Outono de 1952 [PGL, 06/07/2009]
- António Gil Hernández: «Caro Manuel Maria, que estás nos céus!»
- Manuel Maria: uma viagem pola sua vida e a sua obra reintegracionista [Velho PGL, 09/09/2004]
- Manuel Maria: elegias à tua vida [Velho PGL, 09/09/2004]
- Morreu o poeta chairego Manuel Maria [Velho PGL, 09/09/2004]
- O poeta recebeu homenagem nacional [Velho PGL, 12/10/2004]
- Manuel María na Wikipédia
- Textos, áudio e vídeos na Biblioteca Virtual Galega
