PGL – Pola vez primeira, a Associaçom Galega da Língua vai participar no Festigal com um espaço próprio. Nos perto de 25 m2 com que conta a tenda coberta instalada pola entidade reintegracionista haverá todo tipo de actividades lúdicas os dias 24 e 25 de Julho.
Nos dous dias do Festigal, as pessoas que se achegarem ao espaço da AGAL poderám aproveitar para conhecerem o PGL, o e-Estraviz, o Planeta NH e outras ferramentas electrónicas elaboradas pola associaçom. Também haverá à venda livros e umhas t-shirts muito heavyes (editadas em colaboraçom com Sei o que nos Figestes…). Ainda, as pessoas interessadas terám ao seu dispor cartões de associaçom à AGAL ou de subscriçom à revista Agália.
Ainda, a Associaçom Galega da Língua programou concursos e actividades lúdidas para os dous dias. No dia 24, de 18 a 20 horas, haverá concursos individuais ao Planeta NH com prémios para as pessoas ganhadoras. Durante todo o dia poderám também inscrever-se para um concurso de air guitar (em plena sintonia com a camisola heavy que lançamos) que na sua modalidade individual desenvolverá-se de 21 a 22 horas (novamente, com prémios para a pessoa ganhadora).
Já no sábado 25, Dia da Pátria, de 16 a 18 horas será o «Duelo Dicionário da RAG VS e-Estraviz». De 18-20 horas terá lugar a modalidade em equipas dos concursos do Planeta NH (lembrade: haverá prémios) e de 21 a 22 horas competirám em grupos as pessoas amantes do air guitar, havendo prémios para a equipa ganhadora.
Programa orientativo (os horários podem variar)
Sexta-feira, 24 de Julho
- (Fora da tenda da AGAL) 17h15: apresentaçom do manual Do Ñ para o NH (no espaço da Galería das Ideas)
- 18-20 horas: concursos Planeta NH (modalidade individual, haverá prémio)
- 20-21 horas: treinos para o air guitar (para as pessoas que quigerem)
- 21-22 horas: concurso air guitar (modalidade individual, haverá prémio)
Sábado, 25 de Julho
- 16-18 horas: Duelo Dicionário da RAG VS e-Estraviz
- 18-20 horas: concursos Planeta NH (modalidade em equipas, haverá prémio)
- 20-21 horas: treinos para o air guitar (para as pessoas que quigerem)
- 21-22 horas: concurso air guitar (modalidade em equipas, haverá prémio)
Apresentaçom
Por volta das 17h15 horas do dia 24, o presidente da Associaçom Galega da Língua, Valentim R. Fagim, apresentará o manual Do Ñ para o NH, livro editado pola AGAL Editora. O acto será apresentado por José Ramom Pichel no espaço da Galería das Ideas.
+ Ligações relacionadas:
- Web do Festigal
- AGAL e Sei o que nos Figestes… editam t-shirt para o Festigal [PGL, 17/07/2009]
- Do Ñ para o NH: manual de língua para transitar do galego-castelhano ao galego-português [PGL, 08/07/2009]
- Entrevista a Isaac Alonso Estraviz [PGL, 27/06/2009]
+ Informações sobre o Festigal e o Dia da Pátria no PGL:
- 25 de Julho, Dia da Pátria Galega [artigo de Adela Figueroa]
- A Gentalha do Pichel organiza diversos actos polo Dia da Pátria e na Universidade de Verao
- Espaço para as letras no Festigal 2009
- Programa da Associação Cultural Pró AGLP para o Festigal
- Artábria estreia amanhá exposiçom foto-textual sobre Carvalho Calero
