PGL – A Associaçom Galega da Língua e a plataforma Sei o que nos Figestes… editam conjuntamente umha t-shirt que estará à venda por 10 euros no posto com que a entidade reintegracionista participará no Festigal os dias 24 e 25 deste mês. Saibam as pessoas interessadas que haverá também umha oferta pola qual poderám adquirir esta veste mais um livro (Estudo Crítico… ou Folhas Novas) por só 12 euros.
O Estudo Crítico das ‘Normas Ortográficas e Morfolóxicas do Idoma Galego’ é umha das obras que alicerçou as teses reintegracionistas. A primeira ediçom foi dada ao prelo em 1983, e umha segunda ediçom corrigida e acrescentada foi publicada em 1989. Como o seu próprio nome indica, neste trabalho analisam-se e deconstroem-se as NOMIG ao tempo que se esboça a proposta normativa da Associaçom Galega da Língua.
Folhas Novas é umha ediçom anotada de Elvira Souto (e prologada por Salinas Portugal) sobre o clássico de Rosalia de Castro. Esta obra foi publicada na colecçom Clássicos da AGAL em 1985, e a ediçom é o resultado de umha «leitura ‘individual’, o fruto de um diálogo enormemente gratificante com a própria obra rosaliana».
