PGL – A partir das 16:30 horas da sexta-feira 24 de julho, terám lugar no Festigal, celebrado em Compostela, diferentes apresentaçons de livros que contarám com a intervençom dos autores e ainda outros convidados.
A jornada será aberta com a apresentaçom da obra Galiza: Língua e sociedade (XIV Ensaios), livro colectivo editado pola Academia Galega da Língua Portuguesa. No acto, que será moderado por Isabel Rei Sanmartim, participarám dous dos quinze autores da obra, Luís Gonçáles Blasco (Foz) e Concha Rousia.
A seguir, por volta das 17:15 horas, o presidente da Associaçom Galega da Língua, Valentim R. Fagim, apresentará seu novo trabalho Do Ñ para o NH, livro editado pola AGAL Editora. O acto será apresentado por José R. Pichel.
A jornada ainda acolherá a apresentaçom das obras O natural é político de Teresa Moure (18:00h.); De fala a lingua: un proceso inacabado de Maria do Pilar García Negro (18:45h.); Nos camiños do entusiasmo de Goretti Sanmartín (19:30h.); Una monarquía protegida por la censura de Iñaki Anasagasti (20:15h.) e Rosalía de Castro, luz da ousadía de Diego Pardo Amado (21:00h).
Já na jornada do sábado, serám apresentados os livros A cociña de larpeiros, de Benigno Campos (16:30h.); Caderno de Animalista de Antón Fortes (17:15h.); Piñeiro contra Castelao. Castelao contra Piñeiro de X. C. Garrido (18:00h.); Sobre o racismo lingüístico, livro colectivo coordenado pola professora María do Pilar G. Negro e do que já falámos no Portal Galego da Língua (19:30h.), A perspectiva desde a porta de Patricia A. Janeiro (20:15h.) e Conversa con Paco Martín: O regreso de Ramón Lamote, no que intervirám Víctor F. Freixanes, Paco Martín, Xoan Balboa, Xosé A. Neira Cruz e Xavier Senín (21:00h.).
