PGL – Umha iniciativa parlamentar exige conhecer quanto dinheiro recebe o jornal ABC. O pedido tem como origem umha notícia publicada nos últimos dias nesse meio em que se deturpavam de forma selvagem os nomes de diferentes concelhos.
O despropositado de algumhas das manipulaçons provocou mesmo as chanças de Sei o que nos Figestes, mas o grupo parlamentar do BNG nom tomou a questom como piada. Assim, os nacionalistas lembram que o ABC recebe dinheiro das instituiçons galegas para a promoçom do nosso idioma. Entre as cláusulas da concessom «figura expressamente a condiçom de respeitar a oficialidade e originalidade da toponímia galega».
Também pedem para a Junta se pronunciar acerca da conveniência de a publicaçom continuar a receber subsídios públicos, e mesmo se seria pertinente exigir a devoluçom destes devido ao comportamento lingüístico do jornal.
Tradutor automático
Após o ruxe-ruxe na internet, a ediçom digital do ABC publicou umha nota explicativa culpando o «mau uso» de umha ferramenta —tradutor automático— como a origem dessa deturpaçom. Contudo, após supostamente terem ‘retificado’ a informaçom na versom online, persistia um chamativo La Coruña, o qual avalia as teses dos nacionalistas quanto ao comportamento lingüístico do jornal e aos incumprimentos em matéria toponímica.
+ Ligaçons relacionadas:
- Desfiladero a Mordisco. Carretera a Cuevas del Rey. El Roblecito [blogue de Sei o que nos Figestes, 03/03/2011]
- J.R. Pichel: «A diferença entre “Eu falo galego” e “Eu falo português” é só uma palavra» [PGL, 01/02/2011]
- Junta atribui a um novo «erro» a toponímia deturpada no BOE [PGL, 08/10/2010]
- Tradução automática (II) [PGL, 13/07/2010]
- Tradução automática (I) [PGL, 18/06/2010]
- Varela nom pede desculpas e a Junta continua a deturpar [PGL, 09/03/2010]
