A Assembleia Geral da Associaçom Galega da Língua (AGAL) reuniu duas vezes no passado sábado, 23 de abril, para tratar importantes assuntos para o presente e futuro da associaçom.
A jornada começou com umha Assembleia Geral extraordinária cujo único ponto era tratar umha «ambiciosa» reforma dos estatutos, em palavras de Gerardo Uz, membro dos dous últimos Conselhos da AGAL e colaborador do atual.
Depois tivo lugar umha Assembleia Geral Ordinária com umha ordem de trabalhos mais alargada: aprovaçom da ata anterior, confluência normativa, proposta de novo logótipo, nova etapa para a revista AGÁLIA (finalizado compromisso com a direçom atual), estado de contas, andamento de projetos e outras questões.
Todos os pontos a debate fôrom aprovados «com um alto grau de consenso», assinala o presidente do Conselho da AGAL, Eduardo S .Maragoto.
