PGL – A plataforma Queremos Galego apresentou ontem o cartaz para chamar à greve geral no ensino nom universitário no vindouro dia 21 de Janeiro, em resposta ao projecto de «decretaço contra o galego» apresentado polo governo da Junta em 30 de dezembro.
Editarám-se e distribuirám-se nos centros educativos 75.000 brochuras, 50.000 cartazes e 100.000 colantes entre hoje e o próprio dia da greve geral. O desenho, elaborado em exclusiva para a ocasiom polo desenhador Pepe Carreiro, está protagonizado polos protagonistas da banda desenhada infantil “Os Bolechas”.
A plataforma, mercê às suas 24 estruturas comarcais no país, desenvolverá durante os vindouros dias actos informativos para analisar alguns dos aspectos mais regressivos do rascunho apresentado e chamará ao conjunto do povo galego para continuar com as mobilizaçons.
Ademais, o vozeiro da plataforma, Fran Rei, prometeu que haverá serviço de autocarros «em todas as comarcas em que seja possível», para organizar o deslocamento das pessoas que quigerem manifestar o seu desacordo com o novo decreto e a perda de direitos dos galegos.
O consenso
Ainda, no comunicado emitido pola plataforma, recolhem-se as palavras do presidente da Mesa pola Normalizaçom Lingüística, Carlos Callón, a respeito da negativa do conselheiro da Educaçom, Jesús Vázquez Abad, e do secretario-geral de Política Lingüística, Anxo Lorenzo, de «consensuar o rascunho de decreto com extremistas». Callón constatou ironicamente que «deve ser que para Vázquez e Lorenzo todos os que nom sejam favoráveis ao acordo som extremistas» e aguilhou concluindo que «normalmente, quem pensa que à sua volta todos som maus, menos um prórprio, é quem na realidade tem o problema».
Carlos Callón, referiu-se ao projecto de decreto como «um texto que do ponto de vista jurídico é nulo de pleno direito», segundo indicam os primeiros informes jurídicos que A Mesa encarregou, ademais de «aprofundar no fracasso escolar do alunado» e «caminhar pola via oposta á recomendada desde instancias internacionais como o Conselho de Europa» no que a aquisiçom da competência em galego se refere.
O presidente da Mesa lembrou também que estudos como o do INE, Conselho da Cultura Galega, RAG ou Conselho Escolar de Galiza tenhem assinalado amplamente que na Galiza «20% do alunado finaliza a etapa obrigatória sem competências suficientes para se expressar em galego» e destacou que o decreto representa a pior involuçom para o galego nos 30 anos de etapa autonómica, existindo umha prática unanimidade na comunidade educativa que o rejeita».
Cartaz da Plataforma Queremos Galego, desenhado por Pepe Carreiro
e protagonizado polos ‘Bolechas’
+ Ligaçons relacionadas:
- AGIR chama à greve nacional no dia 21 de Janeiro [PGL, 11/01/2009]
- PSdeG, também contrário ao rascunho do Decreto do galego [PGL, 09/01/2009]
- Chamadas à desobediência contra o novo decreto [PGL, 08/01/2009]
- O conselheiro de Cultura afirma nom ver rejeitamento social ao decreto do galego [PGL, 07/01/2009]
- Comunicado da plataforma Ferrol Fala Galego: Paremos o decreto contra o galego [PGL, 07/01/2009]
- UGT também critica o Decreto do galego [PGL, 05/01/2009]
- Comunicado de Agir perante o rascunho do novo decreto [PGL, 05/01/2009]
- Comunicado de Mocidade pola Língua a prol da manifestaçom do 21 de Janeiro [PGL, 04/01/2009]
- Convocatória de greve no ensino para 21 de janeiro e valorizações de CIG, STEG e CCOO [PGL, 31/12/2009]
- Comunicado de Agir: Decreto do PP a cair [PGL, 24/12/2009]
- Mais apoios à greve em defesa do galego no ensino [PGL, 24/12/2009]
- Suspeitam que novo decreto de galego sairá em férias [PGL, 21/12/2009]
- Os cálculos de Feijóo: Anxo Lorenzo e o pacto de Láncara [PGL, 08/12/2009]
- Anxo Lorenzo, demite [artigo de Celso Álvarez Cáccamo; PGL, 30/11/2009]
- Sobre a destruição do galego (I) [artigo de Fernando V. Corredoira; PGL, 02/11/2009]
