PGL – A nacionalista Olaia Fernández Davila, apresentou umha iniciativa no Congresso espanhol dos Deputados na qual demanda ao Governo central que cumpra o seu compromisso de tomar as medidas necessárias para que as televisons portuguesas também se podam ver na Galiza através da TDT e vice-versa.
Davila lembra que este intercâmbio «reforçaria a normalizaçom da língua galega; ampliaria a oferta informativa, reforçaria as ligaçons culturais e sociais entre a Galiza e Portugal e tanto para as televisons galegas como para as lusas abriria umha importante oportunidade de negócio».
Ademais, a deputada do BNG salienta que se trata «de um compromisso legal e também parlamentar do Governo espanhol».
Nesta mesma linha, Davila lembra, que a Carta Europeia das Línguas Regionais e Minoritárias, ratificada polo Estado espanhol, estabelece no artigo 112 que «as partes se comprometem a garantir a liberdade de recepçom directa das emissons de rádio e televison dos países vizinhos numha língua usada numha forma idêntica ou próxima de umha língua regional ou minoritária, e a nom se opor à retransmissom de emissons de rádio e de televisom de países vizinhos nesta língua», como é o caso do galego e do português.
Ainda, a deputada nacionalista destaca que «há compromissos claros tanto do Congresso dos Deputados como do Parlamento Galego no sentido de favorecer que as televisons portuguesas se podam receber na Galiza e as galegas em Portugal».
Finalmente, Olaia Fernández Davila pergunta ao Governo espanhol polos passos que deu para favorecer a recepçom das televisons portuguesas na Galiza; qual é a data prevista para a recepçoom e como vai garantir que estes espaços audiovisuais podam receber-se por TDT na Galiza.
+ Ligaçons relacionadas:
- Apresentaçom da campanha «Televisom sem Fronteiras» para ver TV3 na Comunidade Valenciana [PGL, 11/09/2009]
- ‘Televisió sense Fronteres’ solicita apoio do Parlamento catalám para a ILP [PGL, 16/07/2009]
- TV Digital em Portugal
- Plataforma das TVs Portuguesas na Galiza
- Plataforma ‘Televisió sense fronteres’
- Dessídia do Estado para propiciar a recepçom das televisons portuguesas contravém directiva europeia [PGL, 24/06/2009]
- PP do País Valenciano obriga ao Europarlamento a fazer duas versões televisivas do anúncio eleitoral em catalão [PGL, 16/05/2009]
- Com vontade política, Galiza poderia receber as TV’s portuguesas [PGL, 12/12/2008]
- Debate no Pichel sobre a recepçom das TV’s e rádios portuguesas na Galiza [PGL, 10/12/2008]
- Promessas e realidades: Ocultaçom e enajenaçom do português na TVG [blogue O Demo me Leve, 07/12/2008]
- TDT portuguesa usará padrom de compressom de vídeo diferente ao do Estado espanhol [PGL, 03/12/2008]
- Televisons portuguesas definitivamente só a partir de 2012 [PGL, 22/11/2008]
