PGL – As televisons portuguesas só poderám ser vistas na Galiza a partir do ano 2012, data essa tomada como orientativa. Essa foi a resposta do director geral de Comunicaçom Audiovisual, Manuel Xosé Fernández Iglesias, a umha pergunta realizada polo deputado Bieito Lobeira, durante a reuniom da Comissom 1ª do Parlamento da Galiza, realizada ontem.
O atraso é atribuído a que a TDT em Portugal tem umha data de arranque posterior à do Estado espanhol. Ainda, Fernández Iglesias deixou bem claro que o primeiro é viabilizarem os canais galegos e espanhois, o que implica a difusom, em sinal aberto, de mais de quarenta novas televisons locais e duas novas televisons privadas de ámbito autonómico, além da conversom em digital dos canais privados e públicos estatais e autonómicos.
Em Portugal o arranque da TDT está marcado para Abril de 2009, mas o sistema de concessons de canais televisivos é muito diferente, pois os canais locais e regionais serám um número muito menor, além da sua difusom vir a ser através dumha plataforma paga. A Televisom da Galiza também terá o seu espaço na TDT Portugal, mas só depois de se realizar o desdobramento da rede de televisons portuguesas.
O custo total da operaçom envolverá por volta dos dez milhons de euros, por palavras de Fernández Iglesias, incluindo os direitos de autor e de emissom.
+ Ligaçons relacionadas:
- As televisións portuguesas chegarán en 2012 . Vieiros, 21 de Novembro de 2008.
- TV Digital em Portugal.
- Plataforma das TVs Portuguesas na Galiza.
+ Notícias anteriores no Velho PGL sobre o assunto:
- Parlamento aprova solicitar a recepçom das televisões portuguesas na Galiza. PGL, 10 de Abril de 2008.
- Presidente da Junta da Galiza adia umha possível recepçom dos canais portugueses ao ‘apagom analógico’, sublinhando supostas “grandes dificuldades técnicas”. PGL, 19 de Janeiro de 2008.
- Teresa Carro: «Cumpre um movimento social muito forte para conseguir trazer as televisões portuguesas para a Galiza». PGL, 26 de Dezembro de 2007.
- Reacções: Televisões portugueses na berlinda. PGL, 14 de Dezembro de 2007.
- Dificuldades técnicas, jurídicas e económicas travam difusão das tvs portuguesas na Galiza, segundo Zapatero (inclui comunicado do MDL). PGL, 13 de Dezembro de 2007.
- Plataforma para a Recepçom das Televisões e Rádios Portuguesas na Galiza enviou carta a Francisco Rodrigues. PGL, 08 de Dezembro de 2007.
- BNG solicita ao Congresso espanhol a recepçom das televisons portuguesas na Galiza. PGL, 23 de Novembro de 2007.
- Via Galego reclamará novo múltiplex ao Ministério de Indústria espanhol para a recepção das televisões portuguesas na Galiza. 10 de Novembro de 200.
