PGL – Várias organizações informam de que entre os dias 23 e 26 de outubro decorre nos julgados de Compostela um julgamento contra umha dúzia de ativistas que a 8 de fevereiro de 2009 se manifestárom contra Galicia Bilingüe, organizaçom contrária à normalizaçom do galego.
Entre os atos de solidariedade previstos cabe assinalar o que convoca NÓS-UP para o dia 23 às 9h, diante dos julgados de Compostela, no bairro das Fontinhas.
Naquela altura, no PGL publicou-se umha alargada reportagem, incluindo material fotográfico, que demonstra a desproporçom da atuaçom policial, que acabou com dúzias de pessoas com ferimentos, além das pessoas detidas e das que agora serám julgadas. Também cumpre assinalar que numerosas pessoas recebêrom sanções de 600€ ou mais polo simples facto de terem sido identificadas polos fardados. Nalguns casos lográrom demonstrar a sua inocência —isto é, as denúncias formuladas contra eles demonstrárom ser falsas, mas sem conseqüências para os denunciadores—, mas em muitos outros as sanções fôrom firmes pola ausência de materiais fotográficos ou audiovisuais com que acompanharem as alegações.
+ Ligações relacionadas:
- «Sendo eu amante da tradiçom carnavalesca, decidim formar umha murga ou comparsa» [PGL, 10/11/2009]
- Delegaçom do Governo espanhol na Galiza multa com 600€ activistas pró-galego [PGL, 09/06/2009]
- O Grande Irmão anda chosco [PGL, 11/02/2009]
- Sucesso ridiculista e brutalidade policial na manifestaçom polo apartheid lingüístico na Galiza [PGL, 09/02/2009]
- Actos em toda a Galiza em solidariedade polos activistas pró-galego detidos [PGL, 09/02/2012]
- Extrema-direita espanhola manifesta-se em Santiago protegida pela polícia [crónica de Ângelo Cristóvão para o PGL, 09/02/2012]
