PGL – A começos do Verão informávamos neste meio da atitude da Subdelegaçom do Governo espanhol na província da Corunha, que enviou várias notificações a activistas pró-galego advertindo-os de multas de diferente quantia.
No passado domingo, dia 8 de Novembro, cumprírom-se nove meses daqueles factos. Do PGL queremos centrar-nos no esperpêntico caso de duas pessoas que nessa data, em pleno Entrudo, acudírom à Alameda de Santiago de Compostela disfarçadas. Umha, de toureiro; a outra, de agente guarda civil. A Subdelegaçom do Governo pede para eles 301 euros de multa por «infracçom grave». Eis o texto acusatório que recebêrom:
El día 8 de febrero de 2009, a las 14:30 horas, los agentes denunciantes [da Comisaría de Polícia de Compostela] que se encontraban en la confluencia de las calles General Pardiñas con Montero Ríos, de Santiago de Compostela, con el fin de garantizar la seguridad de las personas que abandonaban la Plaza de la Quintana, donte finalizo [sic] la manifestación de “Galicia Bilingüe”. Pueden observar como en la citada confluencia se esta [sic] produciendo un tapón circulatorio con retenciones y fuertes sonidos de bocina, provocado por un grupo de jóvenes que se enfrentaban con varios viandantes que abandonaban el lugar. Al ser requeridos para que depongan su actitud no acceden y es tras ser identificados cuando deponen su actitud inicial. Identificada una de estas personas resultó ser Ud.
Na web do colectivo ridiculista Sei o que nos Figestes… colocárom o escrito de alegações[PDF] da pessoa que se disfarçou de toureiro, que de maneira contundente contextualiza a sua presença e vestimentas desse dia:
Nego terminantemente os factos imputados. O dia de autos, 8 de fevereiro de 2009, correspondeu-se com a festividade do «domingo oleiro» […], que é a data em que, desde épocas remotas, se começa a «correr o entruido». Sendo eu amante da tradiçom carnavalesca, decidim formar umha murga ou comparsa […] que tinha como leit motiv a idiosincrasia espanhola mais castiça ou cañí. Para tal efeito, saímos à rua ataviados com disfarces de toureiro, guarda civil, bispo, folclórica, etc. No meu caso, a indumentária escolhida foi a de matador de touros, como se pode comprovar nas fotografias que achego com este escrito […].
Além disso, as alegações toureiras chamam a atençom sobre diferentes imprecissões de notável importância que invalidariam a petiçom de qualquer tipo de multa a esta pessoa. Entre outras, assinala-se que a hora na qual os agentes identificam o toureiro é errada, como tampouco o lugar referido é correcto —os agentes falam do cruzamento das ruas General Pardinhas com Montero Rios, quando seria General Pardinhas com Carreira do Conde, como provam as fotos e vídeos achegados pola pessoa acusada—.
Nesta esquina (G. Pardinhas com Montero Rios) é onde diz a Polícia
que se produzírom as identificações, quando estas seriam mais tarde
e noutra esquina (G. Pardinhas com a Carreira do Conde)
As alegações também desmentem os principais factos imputados, relativos a um suposto engarrafamento de trânsito provocado por esta comparsa. Novamente, fotografias e vídeos que acompanham as alegações evidenciam que as pessoas disfarçadas nom ocupárom a rua, polo qual nom se molestou os veículos, e revelam também o tom lúdico da marcha, sem que se tivesse produzido qualquer incidente.
Por estes e outros motivos, o toureiro pede «o arquivo do procedimento, por serem incertos os factos imputados».
+ Ligaçons relacionadas:
- Castigados por palhaços 2 [blogue de Sei o que nos Figestes…, 06/11/2009]
- Escrito com as ‘alegações toureiras’ [PDF]
- Delegaçom do Governo espanhol na Galiza multa com 600€ activistas pró-galego [PGL, 09/06/2009]
- ‘Subdelegación del Gobierno de España’ na Crunha impom sançons de 600€ a militantes por protestarem contra ‘Galicia Bilingüe’ [Ceivar, 09/06/2009]
- O Grande Irmão anda chosco (PGL, 11/02/2009]
- Sucesso ridiculista e brutalidade policial na manifestaçom polo apartheid lingüístico na Galiza [PGL, 09/02/2009]
- Crónica enviada por Ângelo Cristóvão [PGL, 08/02/2009]
- Rejeiçons à manifestaçom galegófoba deste domingo [PGL, 07/02/2009]
- «Bilingüismo, Mr. Marshall!»: festa e humor face o espanholismo [PGL, 03/02/2009]
- Domingo 8-F: “¿¿¿Como estaba la plasa???” [Sei o que nos Figestes…]
- Balance de la protesta de Galicia Bilingüe: Todo depende del idioma en que se hable [Reportagem no El Progreso]
- Galiza batasunizouse o domingo… e desbatasunizouse o luns [Crónica no OpenVieiros]
- Castighados por palhaços [Crónica de Sei o que nos Figestes…]
- A vaca, o noso símbolo contra o españolismo [Vídeo e crónica da acçom de Isca!]
- Inédita manifestación contra o galego na capital do país [Crónica de Vieiros]
- Reportagem gráfica de GZVídeos
- Os antidisturbios cargan na manifestación de GB [Crónica e vídeos d’A Nosa Terra]
- PP e UPyD únense a Galicia Bilingüe nunha marcha ateigada de incidentes [Crónica de Xornal de Galicia]
- Dez detidos e varios feridos nos disturbios da manifestación convocada por Galiza Bilingüe [Crónica de GZNación]
- A Mesa cualifica a de hoxe como unha ‘manifestación do odio e a intolerancia, tristemente apoiada polo PP’ [Comunicado da Mesa antes da manifestaçom]
- A Mesa valora que a escasa afluencia á manifestación supón un ‘batacazo’ para os convocantes e para o PP [Comunicado da Mesa após a manifestaçom]
- Informações de Galiza Livre: 1, 2, 3, 4
- Informações do web de Nós-UP: 1, 2, 3, 4, 5
