PGL Países Cataláns – Milhares de pessoas ocupárom as ruas das três capitais valencianas sob o lema “Amb aquesta educació, Font de Mora dimissió” (Com esta educaçom, Font de Mora demissom) para protestar contra a politica educativa do Governo de Francisco Camps, do Partido Pouplar.
Os protestos dirigiam-se à perseguiçom do Governo de Camps contra a língua catalá, e personalizárom boa parte dessa estratégia no conselheiro da Educaçom, Alejandro Font de Mora.
A manifestaçom, que estava convocada pola Plataforma polo Ensino Pública, juntou a milheiros de pessoas no centro de Valência (10.000 segundo a organizaçom e 1.000 segundo a policia). A estas cifras há que somar as 5.000 pessoas que saírom às ruas em Alacante e as 500 que o figérom em Castelhom.
Os manifestantes solicitam a reanudaçom das negociaçons com a conselharia e reivindicárom, mais umha vez, os treze pontos do Manifesto pola Escola Pública. Num dos pontos exige-se que haja umha catalogaçom lingüística de todas as vagas de ensino secundário para cobrir a demanda real de ensino em catalám, e que se realizem oposiçons em lugar de escolhas com cunha.
+ Ligaçons relacionadas:
- Múltiplos apoios para que o catalám seja requisito obrigatório para aceder à Funçom Pública no País Valenciano [PGL, 25/11/2009]
- Os filólogos cataláns nom podem aceder a vagas de professores de secundária no País Valenciano [PGL, 29/10/2009]
- Obrigam em Valência a tirar a expressom «povo catalám» de umha cançom [PGL, 02/10/2009]
