PGL Países Cataláns – O Coro da Generalitat Valenciana, que depende do governo autonómico deste território de fala catalá, foi obrigado a tirar a expressom «povo catalám» de umha cançom.
Segundo recolhe o portal Racó Català, os membros do coro recebêrom «ordens de acima» para mudar o texto original da obra Roger de Flor, do compositor Chapí, que se ia estrear o vindouro 8 de outubro para comemorar a Diada do País Valenciano, que se celebra no dia seguinte.
Desta maneira, o Coro vai ter de recorrer a outras expressons como povo valenciano ou povo aragonês —este último, aludindo à antiga Coroa do Aragom, que unia os territórios de língua catalá e o próprio Aragom—.
Do Coro acolhem «com mágoa» a decisom, nom só porque já levavam duas semanas de ensaios, mas também porque entendem que se trata de umha «situaçom ridícula e carente de sentido».
