Partilhar

Manuel Maria terá casa-museu

PGL – A Associaçom de Amigos e Amigas da fundaçom que leva o nome do poeta, adquirirá a vivenda familiar para convertê-la num museu. «Esta é a decisom e a ideia de um grupo de amigos. Quigemos que a sua obra nom se perdesse e que houvesse um lugar que desse acolhida ao seu legado», explica Saleta Goi, viúva de Manuel Maria.

Actualmente, a construçom, umha casinha que data de 1881, típica da Terra Chá e que já fora construída polos avôs do poeta, é a vivenda habitual dum irmao do poeta e da sua família, portanto, a operaçom implicaria a construçom dumha nova vivenda para eles junto com a compra da actual. O segundo passo será o da restauraçom, para ser habilitada como museu.

Com esta estrutura, o museu tenciona dar acolhida ao importante legado do poeta, que se distribuirá entre umha biblioteca, que contará com umha das melhores colecçons particulares do livro galego e sobre a Galiza desde o pós-guerra até a actualidade; e um arquivo artístico muito relevante, que contará com obras de Castelao, Urbano Lugrís, Laxeiro, Raimundo Patiño ou Díaz Pardo, entre outros. Ainda, o museu acolherá numerosos documentos manuscritos de pessoas que mantivérom relaçom com o poeta, como Outeiro Pedraio, Celso Emílio ou R. Pinheiro.

A iniciativa, que já recebeu o apoio das Deputaçons de Lugo, da Corunha e de Ourense, e a dos concelhos de Outeiro de Rei e de Monforte,  de empresas privadas ou do grupo musical Berrogüeto, que destina ao projecto parte do dinheiro angariado nos concertos, ainda nom tivo qualquer resposta da Junta da Galiza.

 

+ Ligaçons relacionadas:

Lançamento de Tourists, go home? na Corunha

Efigénio Moura apresenta o romance Burela numa tournée por oito localidades galegas

Efigênio Moura: “É possível amar um lugar que nos aperta”

Efigênio Moura: “O galego é como se tivesse encontrado um parente que ninguém da família tinha me apresentado”

Ângelo Brea: “O amor pela família, o cuidado dos filhos ou as exigências de uma vida com grandes responsabilidades atravessam os milénios”

Burela, romance do escritor brasileiro Efigénio Moura, disponível em pré-venda na loja online da Através Editora

Lançamento de Tourists, go home? na Corunha

Efigénio Moura apresenta o romance Burela numa tournée por oito localidades galegas

Efigênio Moura: “É possível amar um lugar que nos aperta”

Efigênio Moura: “O galego é como se tivesse encontrado um parente que ninguém da família tinha me apresentado”