PGL – A Secretaria Geral de Meios de Junta da Galiza deixou ver que consente ao Governo espanhol o uso de toponímia deturpada com finalidade prática. Assim o fizo saber o Executivo galego em resposta a umha pergunta formulada há mais de meio ano no Parlamento.
No passado mês de março, o grupo parlamentar do BNG instou a Junta a dar explicaçons pola presença de toponímia galega deturpada numha nota de imprensa do departamento de Inovaçom e Indústria em que se referiam a Puebla (Póvoa), Puentenuevo (Ponte Nova) ou Sanpayo [sic] (Sam Paio).
Captura de ecrám da web de Inovaçom e Indústria
[prima aqui para ampliar]
Segundo a resposta que agora dá o Governo, essas denominaçons deturpadas fam referência a equipamentos do Estado espanhol, e a Junta consente-as para poder assim «istinguir os centros emissores da Televisom da Galiza dos centros emissores das televisons de ámbito nacional [sic]». Para o Executivo que chefia Alberto Núñez Feijóo, parece ser suficiente com garantir que os centros de comunicaçom que gere a empresa pública Retegal tenham a denominaçom em galego.
Petiçons ao Governo espanhol
A Junta, porém, sim comunicou que se vai dirigir ao Governo espanhol para corrigir a presença de toponímia deturpada num indicador em Santiago de Compostela (responsabilidade do Ministério espanhol do Fomento), para o Instituto Espanhol de Oceanografia deixar de utilizar toponímia deturpada, para galeguizar a sinalética da Autoridade Portuária de Marim. Umha outra administraçom contatada vai ser o Concelho de Palas de Rei, para galeguizar a sinalética do centro de saúde.
+ Ligaçons relacionadas:
- Instituto Espanhol de Oceanografia fai uso de toponímia ilegal [PGL, 27/07/2010]
- Pedem adoptar medidas para a Autoridade Portuária de Marim respeitar a nossa línguaPGL, 20/07/2010] [
- BNG denuncia exclusom do galego na rotulagem do centro de saúde de Palas de ReiPGL, 27/06/2010]
[ - Varela nom pede desculpas e a Junta continua a deturpar [PGL, 09/03/2010]
