PGL – A rotulagem da fachada do centro de saúde da vila luguesa de Palas de Rei está na integra em língua castelhana, feito polo qual o Bloco Nacionalista Galego apresentou umha questom parlamentar à Junta.
Segundo o grupo nacionalista, o centro incumpre a normativa em matéria de sinalética em centros públicos ao rotular exclusivamente em umha língua que nom se corresponde com a do País. Por este motivo os deputados Bieito Lobeira, Fernando Blanco e Ana Luísa Bouza apresentárom umha questom parlamentar para conhecer de primeira mao se se vai corrigir a deficiência e, em caso positivo, em que prazo.
Para os deputados do BNG, «resulta intolerável que no ano 2010, e com um quadro legal vigente em matéria lingüística que oficializa o idioma galego e o vincula ao uso público, entre outras, da administraçom sanitária, se produzam ainda situaçons como a denunciada». Segundo os parlamentares a administraçom pública deve ser exemplo de cumprimento da legalidade, e mesmo de compromisso da normalizaçom dos usos da língua galega.
+ Ligaçons relacionadas:
- ‘Castrapo’ em Meteogalicia e toponímia deturpada na EGAP [PGL, 25/06/2010]
- A Junta incumpre novamente a legislaçom lingüística [PGL, 21/06/2010]
- Junta defende comunicaçons em espanhol às empresas «porque a maioria som de fora» [PGL, 17/06/2010]
- Reclamam o direito a realizar a declaraçom da renda em galego [PGL, 04/06/2010]
