PGL – Neste ano está a haver problemas para poder realizar a declaraçom da renda em galego pola via telefónica, segundo denuncia o Grupo Parlamentar do BNG, que já exigiu a adopçom de medidas para evitar esta vulneraçom dos direitos lingüísticos.
Segundo o porta-voz de Língua dos nacionalistas, Bieito Lobeira, recebêrom aviso de casos nos quais pessoas que optam por realizar o processo do rascunho da declaraçom, por via telefónica, e escolhendo a opçom de atendimento em galego, passam automaticamente a ser atendidos em espanhol, e solicitando novamente poder realizar o trâmite na nossa língua tenhem como resposta que nom é possível.
Do BNG lembram que em anos anteriores “sim era possível atender a legítima e democrática demanda de processo telefónico em galego”. Por tal motivo, instárom a Secretaria Geral de Política Lingüística a se interessar por esta vulneraçom dos direitos lingüísticos das pessoas galego-falantes e a se dirigir à Agência Tributária para a correcçom da situaçom.
