PGL – No Boletín Oficial del Estado de 29 de dezembro, aparece publicada umha ordem da Conselharia da Indústria da Galiza relativa à declaraçom de caducidade de direitos mineiros da província de Ourense. Nla figuram topónimos deturpados como “Villamartín de Valdeorras“, “San Cristóbal de Cea” ou “Villamarín“.
Do Grupo Parlamentar do BNG denunciárom que «nom é a primeira vez que factos deste tipo se produzem», e tendo como protagonista a mesma Conselharia. Assim, lembramos às leitoras e leitores do Portal que em março do ano passado Indústria emitiu umha nota de imprensa utilizando topónimos como Puentenuevo ou Sanpayo [sic], dos quais culpou o Governo espanhol por fazerem referência a instalaçons estatais; e meses depois, começado o verao, publicou no Diário Oficial da Galiza umha sucessom de exploraçons mineiras com toponímia novamente ilegal, como Colina del Valle ou La Calle.
Os nacionalistas reclamárom no Parlamento resposta por escrito acerca das causas deste novo episódio e exigírom saber em quem recaem as responsabilidades.
+ Ligaçons relacionadas:
- Continua o esperpento toponímico por parte da Junta [PGL, 21/07/2010]
- Varela nom pede desculpas e a Junta continua a deturpar [PGL, 09/03/2010]
- A Junta incumpre novamente a legislaçom lingüística [PGL, 21/06/2010]
- Junta defende comunicaçons em espanhol às empresas «porque a maioria som de fora» [PGL, 17/06/2010]
- Reclamam o direito a realizar a declaraçom da renda em galego [PGL, 04/06/2010]
- Aparece o vídeo no qual Roberto Varela inventa o concelho de ‘Desván de los Monjes’ [PGL, 08/03/2010]
