A Através Editora ativa umha promoçom especial para sumar-se à celebraçom do Dias das Letras Galegas, oferecendo um código de desconto que aplica automaticamente o 10% nas compras realizadas na loja do seu site.

Esta promoçom afeta a todos os produtos que há em estoque, e o processo é simples: umha vez escolhidos os produtos, avança-se a encomendar, e aí abre-se a opçom de “digite cupom para obter descontos”. Cumpre preencher com o código: carvalho2020 e aplicara-se o 10% de rebaixa no preço da encomenda.

Algumhas das novidades de Através tenhem sido apresentadas neste site, como a recentemente premiada segunda ediçom ampliada do “Seique” de Susana Sanches Arins, que foi merecedora do Premio de Narrativa da Gala do Livro Galego na semana passada.

Também, e aproveitando a homenagem deste ano, há novidades de Carvalho Calero, como a “Antologia de textos para pensarmos a língua: umha proposta didática“, elaborada por Diego Bernal e Xoán Lagares. Sobre a que debulha o seu conteúdo Valentim Fagim numha entrevista com os autores, que também publicamos aqui. Ou ainda, o emblemático romance Scórpio, umha das obras mais populares de Carvalho, que conta nesta ediçom, com um epílogo do professor da Universidade de Santiago de Compostela, Arturo Casas que ajuda a decifrar as coordenadas do romance de Carvalho Calero desde a análise da Teoria da Literatura.