PGL – A Comissom promotora do movimento social Galiza co Galego acaba de anunciar que neste ano 2011 darám a andamento uma rede de escolas infantis de 0 a 3 anos para garantir o ensino na língua própria. Para isso a iniciativa disporá de entre 230.000 a 460.000 euros provenientes dos contributos de mais de 2300 pessoas.
Da Comissom promotora declaram que o movimento conta com o apoio de sindicatos, de associaçons pedagógicas, de movimentos em defesa da língua e das Cooperativas de Ensino. Sublinham, também, que Galiza co Galego é um movimento social ativo e independente politicamente para fazer efetivo o direito à educaçom em galego.
Este movimento social foi iniciado en 2009, após a agressom da direita espahola contrária ao galego que deu como resultado “político” a falta de apoio à educaçom infantil em galego, a supressom das Galescolas da Junta, e o decreto redutor e supressor “plurilingue”.
No quadro da difusom e promoçom da iniciativa, neste sábado 22 de janeiro, às seis e meia do serám, no lar de idosos de Ponte d’Eume, terá lugar a conferência “Polo direito da infância à educaçom”, na qual será tratada a história e a motivaçom do projeto aberto e popular que, afirmam, é Galiza co Galego e a criaçom da rede popular de ensino.
Igualmente, decorrerá uma assembleia aberta a todos os assistentes em que será analisado o relatório de gestom, renovados os seus representantes e debatidos o projeto de organizaçom das escolas infantis que pretendem dar a andamento.
+ Ligaçons relacionadas:
- Galiza com o galego: Assembleia para a criaçom dumha rede de escolas galegas [PGL, 04/12/2009]
- Assembleia na Corunha para a concretizaçom da plataforma Galiza com o galego [PGL, 27/11/2009]
- Rede popular de ensino em galego
- Viveiro e Observatório das Galescolas, a primeira iniciativa do século XXI a partir do reintegracionismo
