PGL – Amanhá, sábado dia 5 de dezembro às 18h30, no Centro Cívico Municipal do Castrilhom (Praça Pablo Iglesias, A Corunha), terá lugar umha assembleia aberta para constituir umha associaçom que possibilite a criaçom de umha rede de escolas populares nas que a língua franca seja o galego, autónomas e nom sujeitas a compromissos políticos.
O movimento Galiza co Galego, existente desde abril de 2009, tenciona possibilitar o direito ao ensino em galego na Galiza criando umha rede de escolas nom dependentes dos poderes públicos, decisons de partidos políticos ou médios de pressom.
Contando nos dias de hoje com mais de 750 apoios, para poder fazer possível a ideia de Galiza co Galego e lograr o apoio social e económico para a Rede Popular de Ensino em Galego, a Comissom Gestora achou necessário constituir-se como associaçom. 3.000 pessoas associadas e umha quota anual de 100 euros por pessoa, possibilitariam que a associaçom tivesse a capacidade de promover a criaçom dumha rede popular de ensino em galego, apoiando economicamente os projectos educativos que cumpram os objectivos marcados polo colectivo.
Para falar da viabilidade do objectivo e definir compromissos, amanhá, sábado 5 de dezembro, às 18h30, o Centro Cívico Municipal do Castrilhom, acolherá o acto fundacional da “Comissom promotora de ensino Galiza co Galego”, por um ensino laico, de qualidade, pluralista e democrático, ao serviço da sociedade e independente das decisons políticas.
+ Ligaçons relacionadas:
