PGL – A Secretaria Geral de Política Lingüística, departamento da Junta que depende da Conselharia da Educaçom, evitou dar datas para o desenvolvimento de campanhas para o fomento do galego em actividades e celebraçons fúnebres.
Numha iniciativa parlamentar, o nacionalista Bieito Lobeira solicitou informaçom sobre os planos do governo para mudar a tendência pola qual o emprego do galego nestes casos é «residual».
A Secretaria Geral, chefiada por Anxo Lorenzo, afirmou ser «consciente de que a presença da língua galega nos actos, cerimónias religiosas assim como noutros aspectos vencelhados à morte como o caso das notas necrológicas, recordatórios, cintas e coroas florais ou lápides dos campo-santos nom é satisfatória».
Contudo, e apesar desta realidade, o departamento de Política Lingüística só realizou até o momento umha única campanha de promoçom, um «concurso de epitáfios» no qual participárom umhas 500 pessoas. O resto da resposta que deu a Bieito Lobeira só contém afirmaçons relacionadas com a necessidade de normalizar o uso do galego nestes âmbitos devido à presença de sectores como os meios de comunicaçom, assim como a promoçom em amostras como a de Ourense (bianual), mas sem concretizar com datas ou planos.
+ Ligaçons relacionadas:
- A situaçom do galego com a nova Lei de Caixas [PGL, 01/07/2010]
- ‘Castrapo’ em Meteogalicia e toponímia deturpada na EGAP [PGL, 25/06/2010]
- A Junta incumpre novamente a legislaçom lingüística [PGL, 21/06/2010]
- Junta defende comunicaçons em espanhol às empresas «porque a maioria som de fora» [PGL, 17/06/2010]
- Reclamam o direito a realizar a declaraçom da renda em galego [PGL, 04/06/2010]
- BNG denuncia exclusom do galego na rotulagem do centro de saúde de Outeiro de Rei [PGL, 27/06/2010]
