PGL – O Parlamento aprovou umha iniciativa do BNG para estabelecer o galego como língua de contato inicial no atendimento presencial e telefónica do persoal ao serviço dos empregados públicos. Atualmente, as instituições públicas nom cumprem “nem de longe” com esta premissa, denunciárom os nacionalistas.
O apoio da Câmara reafirma o caráter do nosso idioma como o preferente na Administraçom e cumpre com o princípio de oferta positiva em galego que impulsa o Plano de Normalizaçom Lingüística, e fai-no nos seguintes termos:
O Parlamento da Galiza insta o governo galego a consolidar na Administraçom pública autonómica e nos organismos e entes dele dependentes o uso do galego como língua geral de referência, tanto a nível escrito como oral, garantindo, em todo caso, a cooficialidade lingüística estabelecida na Constituiçom [espanhola] e no Estatuto de Autonomia da Galiza. Em conseqüência, estabelecer-se-á o galego como língua de contato inicial entre o funcionariado e os administrados e administradas nas relações presenciais e no atendimento telefónico, sem prejuízo do direito destes últimos ao atendimento na língua oficial da sua preferência.
Segundo o deputado Bieito Lobeira, porta-voz de Língua do BNG, muitas pessoas que contatam com a Administraçom autonómica em galego recebem respostas em espanhol, “e isto acontece em registos e oficinas de atendimento ao público e até em gabinetes de conselheiros e conselheiras, assim como em fundações e sociedades participadas ou vinculadas à Junta”, denunciou.
O galego, na publicidade institucional
Também no Parlamento, a Junta comprometeu-se fazer unicamente em galego as vindouras campanhas publicitárias, anunciou o secretário-geral de Meios, Alfonso Cabaleiro. Porém, Lobeira reclamou “firmeza” ao governo para o resto de departamentos autonómicos adoptarem esse critério.
+ Ligações relacionadas:
- Críticas à castelhanizaçom de diferentes departamentos da Junta [PGL, 11/08/2010]
- O espanhol avança como língua de trabalho da Junta [PGL, 29/06/2010]
- ‘Castrapo’ em Meteogalicia e toponímia deturpada na EGAP [PGL, 25/06/2010]
- A Junta incumpre novamente a legislaçom lingüística [PGL, 21/06/2010]
- Junta defende comunicaçons em espanhol às empresas «porque a maioria som de fora» [PGL, 17/06/2010]
- Reclamam o direito a realizar a declaraçom da renda em galego [PGL, 04/06/2010]
- BNG denuncia exclusom do galego na rotulagem do centro de saúde de Outeiro de Rei [PGL, 27/06/2010]
- A Junta ‘coneta’ em espanhol, nas ondas e no papel [PGL, 28/05/2010]
- O BNG denuncia a exclusom do galego nos programas oficiais de voluntariado da Junta [PGL, 04/05/2010]
- Nove documentos parlamentares do BNG denunciam a exclusom do galego [PGL, 29/04/2010]
