PGL – Margarita Ledo converterá-se amanhá na quinta mulher em formar parte da Real Academia Galega (RAG). Hoje, véspera da cerimónia de ingresso, o portal nacionalista GZNación publica umha entrevista que realizou à escritora e cineasta chairega.
A pedido da entrevistadora, a nova académica reflecte sobre o que será o seu papel na RAG, a sua preocupaçom polo idioma galego, o role da Academia na sociedade, a colaboraçom com instituiçons do tipo da AGAL ou a AGLP, ou mesmo a denominaçom da nossa língua.
A actual presidenta da Lusocom reconhece sentir-se atraída por umha instituiçom como a RAG, que durante a sua história tivo «momentos de resistência e outros de colaboraçom com o sistema» e que, contudo, «por orige, representa os/as devanceiras, à naçom».
E se a entrevista a publica um meio integramente em galego, Margarita Ledo fala da relaçom com a língua que mantenhem outros meios, questom que «form parte, desde a época de Paco del Riego, das análises da Academia e da sua insistência diante das instituiçons no tocante à responsabilidade política das mesmas».
+ Ligações relacionadas:
- Margarita Ledo sobre a Real Academia Galega: «Ten preocupación, que é a maneira mellor de se manter con vida» [GZNación, 06/02/2009]
- Presidenta da Lusocom entra na RAG [PGL, 27/01/2009]
