PGL – A catedrática de Comunicaçom Audiovisual Margarita Ledo Andión converterá-se em breve na quinta mulher em formar parte da Real Academia Galega (RAG). A presidenta da Lusocom entrará formalmente na RAG numha cerimónia que terá lugar no paraninfo da USC no sábado dia 7 de Fevereiro às 12h.
O discurso de ingresso leva por título Do bucle e da fenda. Para un ensaio crítico sobre a cultura galega. A pessoa responsabilizada por dar a réplica é Rosario Álvarez, directora do ILG.
A RAG é umha entidade profundamente masculinizada, pois além da próxima entrada de Margarita Ledo só há mais quatro mulheres dentro os 28 membros numerários: Olga Gallego, Luzo Pozo, Xohana Torres e Rosario Álvarez. Ainda, dos 55 académicos nom numerários só há duas mulheres, Dolores Sánchez e María Teresa Barro.
Umha vida de letras e cinema
Margarita Ledo(Castro do Rei, 1951) estudou jornalismo em Barcelona, e durante a ditadura foi dirigente na clandestinidade da UPG, motivo pelo que se teve de exilar no Porto. Em 1977 regressou à Galiza para impulsar e dirigir A Nosa Terra, além de outras revistas como A Trabe de Ouro.
Em 1982 foi de novo a Portugal com uma bolsa da Fundação Calouste Gulbenkian e no ano seguinte para Barcelona, onde leccionou jornalismo e se doutorou. A começos de ’90 regressou ao nosso país para pôr em andamento em Compostela a Faculdade de Jornalismo, da qual foi a sua primeira decana.
Ainda, Ledo conta também com um espaço de seu no âmbito das letras galegas graças a quase umha dúzia de obras como O corvo érguese cedo (1973), Mamá Fé (1983) o Linguas mortas. Serial radiofónico (1989).
No entanto, actualmente é mais conhecida pelo seu labor como documentalista. Assim, em 2004 guionizou e dirigiu Santa Liberdade, relato do sequestro deste barco português em que participaram galegos e portugueses como desafio às ditaduras de Salazar e de Franco.
Já em 2005 dirigiu a série de curta-metragens Hai que botalos e este ano apresentou Fala e terra desta miña terra. Manuel María e posteriormente reailzou um sucedido documentário sobre o general galego Enrique Líster.
Convite electrónico remetido pola RAG à redacçom do PGL
[Prima aqui para ampliar a imagem]
+ Ligações relacionadas:
- Quinze anos de Ciências da Comunicaçom na Galiza [Velho PGL, 22/11/2006]
- Margarita Ledo foi eleita por unanimidade nova Presidenta da Lusocom [Velho PGL, 23/04/2006]
