Nationalia.cat – ‘Occitano língua oficial’, ‘Liberdade pola línga, polo país!’ e ‘Occitano na escola’ fôrom algumhas das reivindicaçons mais escuitadas nas ruas da vila de Carcassona durante a manifestaçom deste sábado.
A reivindicaçom colectiva reuniu a milheiros de pessoas -20.000 segundo a organizaçom, 14.000 segundo a policia e 25.000 segundo alguns médios de comunicaçom- a favor da normalizaçom do ocitano.
Anem Òc! (‘Vamos Sim’!) é a associaçom que fazia a chamada à marcha e que aglutina a dezenas de entidades e organizaçons comprometidas com a língua ocitana, entre as que se destacam o Instituto de Estudos Occitanos (IEO), Felibrige, Felci, Calandreta e Òc-Bi (Associaçom de pais de alunos para o ensino bilingüe público).
As demandas que se figérom durante a mobilizaçom, explicitadas no manifesto, atendiam a quatro pontos: meios de comunicaçom -criaçom de rádio e televisions públicas em occitano, e ajudas ao sector privado-, cultura -apoio à expressom cultural em occitano-, ensino –imersom lingüística ou bilingüismo com paridade horária- e vida pública -presença da língua nos espaços públicos, a toponímia oficial e a vida social-.
A manifestaçom tivo como grande referência à aprovaçom, no mês de julho de 2008, de umha modificaçom da Carta Magna francesa que incluía una mençom às línguas minoradas. Concretamente, o artigo 75 enuncia agora que «as línguas regionais pertencem ao património da França». Os participantes quigérom lembra que, desde esta modificaçom, o Estado francês nom deu nengum outro passo para avançar na normalizaçom das suas línguas. O presidente do IEO, David Grosclaude, explicou que «estamos muito enfadados polas promessas que parecem nom ter nengum valor para aqueles que as figérom».
Outro facto destacável foi a participaçom no acto de representantes eleitos de primeira ordem como o presidente da cámara de Carcassona, Jean-Claude Pérez, o eurodeputado dos Verdes, José Bové, e Joan Thomàs, do Partido Occitano. Também estava o síndico de Aran, Francés Boya, e o ex vice-presidente do Parlamento Europeu, Gérard Onesta, entre outros cargos de toda a Occitánia, incluídos alguns presidentes de cámaras das Valadas ocitanas, na regiom do Piemonte italiano.
+ Ligações relacionadas:
- Web de Iniciativa per Occitània
- Blogue de Iniciativa per Occitània
- Milhares de ocitanos mobilizam-se pela língua [PGL, 23/10/2008]
- Breve percurso linguístico pola Europa [artigo de João Aveledo no PGL, 16/08/2009]
- Por um Foro das Línguas Pirenaicas [PGL, 18/10/2008]
- Caminhada polo occitano [PGL, 01/09/2008]
- L’Indépendant: La grande marche occitane
- Sudouest.com: Les Occitans en veulent plus
- AFP: Desde milliers de manifestantes à Carcassonne pour la défense de l’occitan
- LaDepeche.fr: “Nicolau”, entends-tu la voix du peuple occitan?
- Vídeos da manifestaçom em VilaWeb e a 3cat24, galeria de imagens em L’Indépendant
- MónDivers: Os ocitanos reivindicam a língua depois da reforma constitucional
