PGL – O Governo ignora as questons parlamentares realizadas polo Grupo do Bloco Nacionalista Galego (BNG) a respeito da promoçom da galeguizaçom de nomes e apelidos deturpados na sociedade galega, limitando-se a descrever o processo e nom se referindo a açons concretas neste ámbito.
Em pergunta enviada à Secretaria Geral de Política Lingüística (SGPL) por parte do parlamentar Bieito Lobeira, perguntava-se acerca dos projetos do departamento chefiado por Anxo Lorenzo sobre o processo de restituiçom dos nomes e apelidos deturpados, a proteçom dos apelidos galegos, os dados existentes sobre nomes galegos postos a crianças desde 2007 ou a existência de algumha campanha em andamento de sensibilizaçom da sociedade.
Porém, em resposta remitida pola SGPL, dá-se conta apenas da possibilidade de cambiar nome ou apelidos de modo «mui singelo e gratuito», contando, de ser necessário com assessoraçom por parte da própria Secretaria Geral, umha realidade existente antes da atual legislatura. Unicamente se anuncia um plano para fomentar a «transmissom lingüística nas famílias», dirigida às mulheres que vam ser maes e na qual se incluirá um capítulo específico de informaçom e sensibilizaçom sobre a questom, deixando o tema da antroponímia como algo secundário no plano. O prazo seria o ultimo trimestre de 2010.
Da mesma maneira, nom se informa sobre os detalhes deste plano nem se existirá algumha campanha de ámbito público ou com repercussom mediática.
+ Ligaçons relacionadas:
- A situaçom do galego com a nova Lei de Caixas [PGL, 01/07/2010]
- ‘Castrapo’ em Meteogalicia e toponímia deturpada na EGAP [PGL, 25/06/2010]
- A Junta incumpre novamente a legislaçom lingüística [PGL, 21/06/2010]
- Junta defende comunicaçons em espanhol às empresas «porque a maioria som de fora» [PGL, 17/06/2010]
- Reclamam o direito a realizar a declaraçom da renda em galego [PGL, 04/06/2010]
- BNG denuncia exclusom do galego na rotulagem do centro de saúde de Outeiro de Rei [PGL, 27/06/2010]
