PGL – Imperdível, a loja em linha da AGAL, cresce cada dia com novos produtos de todo tipo e género, quer musical, quer livros, quer têxtil… e a oferta continuará a aumentar pouco a pouco. A seguir recenseamos algumhas das últimas incorporaçons.
Começamos pola música falando de Electronic Galician Grooves. Nom foi umha banda, nem o é, nem o será, mas atrás de Ecléctica Ensemble há um grupo de músicos dispostos à irreverência, ao atrevimento, à provocaçom, à supremacia estética, á maquiagem, à sátira… a encher a música tradicional de ironia e a dar-lhe voltas até fartar.
Depois de baixar dos cenários em 2004, Ecléctica Ensemble fechou-se no laboratório musical durante três anos —de 2005 a 2007—. Convidárom doze músicos a realizarem improvisaçons com eles a partir dos materiais musicais iniciais e o resultado é Electronic Galician Grooves, um vinilo tam ecléctico e surpreendente como era de esperar.
Além dos componentes originários —Ugia Pedreira, Ramom Pinheiro, Richard Rivera e Davide Salvado— no disco colaboram músicos de eclécticas procedências como Nacho Muñoz, Óscar Fernández Sanjurjo, Philippe Copin, Pedro Pascual ou Fernando Abreu, entre outros. A estética do disco também é fruto de eclectismos vários: dos gráficos de Misha Bies Golas e Pancho Lapeña aos textos de Martázul —a quase quinta componente do grupo— ou Quico Cadaval.
As Vozes Roubadas
As Vozes Roubadas é o segundo disco da banda viguesa Nen@s da Revolta, editado no ano 2000 por Boa Music. Hip-hop, reggae, ska, rumba, raggamuffin…
Nen@s da Revolta foi umha formaçom surgida como trio em 1993 do Centro Social Ocupado Ruela de Vigo. Neste segundo disco eram já 6 membros experimentando com o hip-hop, reggae, ska, rumba, raggamuffin.. e integrando na sua música pandeiretas e gaitas com bateria, baixo, guitarras, teclados e samplers. Letras em galego-português preocupadas polo feminismo, os direitos dos trabalhadores ou a libertaçom animal.
Temas do disco:
- 01-Revolubomb!
- 02-A presa
- 03-Carcereiro
- 04-Libertaçom animal!!!
- 05-Ia zaura
- 06-Fieis cadeias
- 07-A queimar limites!
- 08-A viagem
- 09-Visita ao matadoiro
- 10-Culturas
- 11-Galiza capital Bruxelas
- 12-Home duro, duas vezes brando
- 13-Saciedade do espectaculo
- 14-As vozes roubadas
Agália 97/98
Chega ao mercado nesta primavera o número duplo 97/98 da Agália, o mais brasileiro de todos os editados nos 25 anos de andamento desta publicaçom da Associaçom Galega da Língua (AGAL), polo numeroso contributo de produtores brasileiros e polo teor dos asuntos focados.
Também recupera trabalhos literários de Iolanda Rodrigues Aldrei e António Gil Hernández, que publicárom há já vários anos os seus últimos livros de poesia. Inclui igualmente um interesante estudo, de autoria portuguesa, respeitante às relaçons luso-espanholas no período de 1926 até ao 25 de Abril de 1974.
A revista acrescenta a sua internacionalidade com um contributo com assinante da Universidade de Zabreg (Croacia), mais um país que se acrescenta à já longa relaçom das procedências dos colaboradores.
Merece destaque assim mesmo que Carlos Quiroga assume de novo a direcçom, após o breve período que ocupou essa responsabilidade Martinho Montero Santalha (finalizada com o brilhante número anterior, dedicado a Ramón Piñeiro, o agente galeguista que centrou o Dia das Letras Galegas do ano 2009). Mário Pinheiro é o ilustrador convidado, reproduzindo-se iconografía sua na capa e no interior. O índice deste número pode ser consultado no PGL.
Camisolas NH/LH
O produto estrela do último Festigal continua a estar na moda. Por este motivo, a loja online da AGAL pom à venda pola internet a sucedida camisola NH/LH, fruto de umha colaboraçom com Sei o que nos Figestes…, e que está ainda disponível em diferentes talhes.
+ Ligaçons relacionadas:
