PGL – O projeto ideado por Andaime e organizado por umha série de colectivos e pessoas ligadas à proteçom do meio-ambiente continua adiante com a celebraçom a 22 de fevereiro da I Feira de Inverno do Mercado «Entre Lusco e Fusco» no parque compostelano de Belvis.
O programa começa às 18 horas com atividades para crianças e público geral. Para os miúdos, mercado «de troquinho», onde a associaçom ambientalista Verdegaia recolherá objetos. Outro tanto farám os ecologistas para os adultos no mercado de troco geral.
De 18h15 a 19h30, as crianças poderám participar com Ximena Valle num obradoiro criativo, enquanto adultos terám um obradoiro sobre confeitaria de Entrudo. A seguir, de 19h30 a 20h, haverá um obradoiro de lácteos com ADEGA, para a elaboraçom de queijo e manteiga.
De 20h a 20h30 será o sorteio de «troquinho», e à mesma hora começará a atuaçom musical do brasileiro Fred Martins. Já de 20h30 a 21h será o sorteio de troco dos adultos.
Além desta programaçom específica há atividades continuadas para todos os públicos a partir das 18h e que decorrem em paralelo às específicas, tais como monicreques, umha exposiçom de SGEA e outros.
+ Ligaçons relacionadas:
- I Feira de Outono do Mercado Entre Lusco e Fusco de Compostela [PGL, 18/10/2010]
- O mercado ‘Entre lusco e fusco’ decorre em Compostela a 22 de junho [PGL, 18/06/2010]
