PGL – O Grupo Parlamentar do Bloco Nacionalista Galego (BNG) no Parlamento da Galiza perguntou à Junta acerta da exclusom do idioma galego e da toponímia oficial, única legal, nos pregos de prescriçons técnicas e Jurídicas para a privatizaçom do Serviço de Cita Prévia Telefónica.
Os documentos estám totalmente redigidos em espanhol, além de conterem topónimos deturpados. Mesmo nem se respeita a denominaçom oficial das instituiçons públicas galegas: “Servicio”, “Consejería” ou “Junta de Galicia” som alguns exemplos. O Serviço Galego de Saúde (SERGAS) é a entidade responsável destes documentos, e depende directamente da Conselharia da Sanidade.
Segundo os parlamentares nacionalistas, “nom é aceitável que a administraçom pública galega considere o galego como se de um idioma proscrito se tratar”. Com estas práticas “vulnera-se a legalidade e conculcam-se os direitos lingüísticos de galegas e galegos. Nom é umha actuaçom nova por parte deste Governo do Partido Popular. Cabe situá-la, daquela, no âmbito das decisões conscientes e deliberadas para a expulsom da língua galega da administraçom publica.”
Por isto, do BNG reclamam explicaçons por estes factos e se a Conselharia da Sanidade considera “que o galego nom é um idioma apto para a tramitaçom administrativa”. Aliás, lembra à Junta que está a vuilnerar a legalidade vigente em matéria lingüística.
+ Ligaçons relacionadas:
- Críticas à castelhanizaçom de diferentes departamentos da Junta [PGL, 11/08/2010]
- CIG denuncia deturpaçom de topónimos galegos polo SERGAS [PGL, 09/08/2010]
- BNG denuncia “castrapizaçom” no SERGAS [PGL, 13/05/2010]
