PGL – Da Gentalha do Pichel informam de que afinal realizárom o pagamento da multa de 3.000€ recebida por corrigirem um topónimo utilizando um marcador. Como desistírom de recorrer a sançom e pagárom aginha, pudérom-se acolher a umha reduçom, ficando ‘só’ na metade da cifra inicial. Porém, da associaçom compostelana já anunciárom novas ações como protesto.
Para reporem o dinheiro destinado a pagar a multa, da Gentalha realizarám umha Festa do Marcador, organizarám umhas jornadas para tratar «o retrocesso da liberdade de expressom» e editarám material têxtil a respeito desta temática.
Da associaçom compostelana assinalam que desistírom de recorrer a sançom porque com esse gesto perderiam a hipótese da reduçom da cifra à metade, polo nom pudérom fazer frente ao que consideram «um dos mais elaborados métodos de chantagem para a indefensom que conhece o chamado Estado de direito» e «mais um exemplo de cerco à liberdade de expressom».
+ Ligações relacionadas:
- Gentalha do Pichel, sancionada com 3.000€ por pintar um ‘m’ com um marcador [PGL, 08/02/2011]
- Câmara Municipal de Compostela multa Gentalha do Pichel com 1.500 € por colocar um cartaz [PGL, 06/08/2010]
- Multados três membros da Gentalha do Pichel por corrigir topónimos [PGL, 13/06/2009]
