Este tema, junto com as peças finalistas, serám editadas numha publicaçom conjunta que se distribuirá gratuitamente por todos os conservatórios da Galiza.
“Fisterra”, da autoria de Saúl Aguado de Aza, composta sobre o poema homónimo de Manuel Maria, foi a cançom lírica, para voz e piano, que resultou ganhadora da primeira ediçom do Concurso de Composições Musicais que decorreu no sábado na gala-concerto na Casa-Museu Manuel Maria, em Outeiro de Rei.
Saúl Aguado de Aza é compositor e pianista acompanhante no Conservatório Superior de Música de Madrid, e levou um prémio de mil euros em metálico, verá a sua composiçom editada junto com as obras das outras finalistas numha publicaçom que será distribuída gratuitamente por todos os conservatórios de música da Galiza.
A gala-concerto organizada com motivo do aniversário do nascimento de Manuel Maria, o passado 6 de outubro, contou com a presença do barítono Gabriel Alonso e o pianista Aurelio Viribay que interpretarom numha primeira parte as canções finalistas Orballo de Teo Montero, A lúa de Saúl Aguado, Rosas de Teresa Bretal e Fisterra de Saúl Aguado. E numha segunda parte apresentarom em concerto o seu trabalho No Camiño -dous séculos de canción galega-.
