O barítono Gabriel Alonso e o pianista Aurelio Virabay para além de interpretarem as composiçons finalistas do concurso Manuel Maria de composiçons musicais, darám um concerto que percorre a música galega do século XIX até hoje.
Este sábado dia 8 às 18.30h na Casa-Museu Manuel María decorrerá umha gala de luxo com motivo do aniversário de Manuel Maria, que esta quinta-feira faria noventa e três anos.
O barítono ferrolao Gabriel Alonso e o pianista Aurelio Viribay som os intérpretes convidados que interpretarám, entre outras, as peças finalistas do Certame Manuel María de Composições Musicais. Este concurso, instituído anualmente pola Casa-Museu, escolhe a melhor cançom lírica, para voz e piano, escrita sobre um poema de Manuel Maria, e entrega um prémio em metálico de mil euros à composiçom ganhadora.
Aurelio Viribay, pianista de reconhecido prestígio internacional na música vocal de câmara, intérprete junto a umha grande pléiade de cantantes nas principais salas de concertos europeias e professor na Escola Superior de Canto de Madrid, e Gabriel Alonso, titulado superior em canto pola Escola Superior de Música Reina Sofía que acumula umha bagagem significativa de participaçom em festivais e produçons líricas, realizarám um concerto dividido em duas partes. Na primeira parte interpretarám as quatro cançons finalistas do concurso, Orballo, A lúa, Rosas e Fisterra, compostas por Teo Montero, Teresa Bretal e Saúl Aguado. A seguir, enquanto o jurado delibera, o público assistente poderá gozar da presentaçom em concerto de No Camiño -dous séculos de canción galega, um trabalho de Gabriel Alonso e Aurelio Viribay que percorre a lírica galega do XIX até a atualidade. Meus amores de Xosé Baldomir, Un adiós a Mariquiña de Xosé Castro “Chané’ ou Negra Sombra de Xoán Montes, até obras de compositores atuais como José Durán, Margarita Viso, Fernando Buide ou Octavio Vázquez soarám em Outeiro de Rei.
O barítono ferrolao Gabriel Alonso e o pianista Aurelio Viribay som os intérpretes convidados que interpretarám, entre outras, as peças finalistas do Certame Manuel María de Composições Musicais.
O Concurso Manuel María de Composiçons Musicais, para além do prémio para a música ganhadora, implica a publicaçom das partituras das pessoas finalistas e a sua distribuçom de graça em todos os Conservatórios de Música da Galiza. O jurado do certame está presidido por Margarita Viso Soto, compositora, pianista acompanhante, editora de música e musicóloga. Prémio da crítica galega em 2020. Como vogal Juan Durán Alonso, autor de obras de música de câmara, vocal, sinfónica e cénica, ademais de arranjos e orquestraçons de música galega. Foi Prémio da Cultura Galega em 2013 e Prémio Reina Sofía de Composiçom em 2018. É membro da Real Academia Galega de Belas Artes. Também como vogal fai parte Xosé Carlos Seráns Olveira, músico e compositor e actual presidente da Asociación Galega de Compositores, ademais de gerente da Banda Municipal de Santiago de Compostela.
O Concurso Manuel María de Composiçons Musicais, para além do prémio para a música ganhadora, implica a publicaçom das partituras das pessoas finalistas e a sua distribuçom de graça em todos os Conservatórios de Música da Galiza.
A entrada à Gala-Concerto é pública e gratuita mas é necessário fazer, previamente, a reserva correspondente a través do correio a contacto@casamuseomanuelmaria.gal ou enviando um whatsapp ao 698177621.
